НДШ-ийн буцаалтаа нөхөн авах боломжтой

Нийгмийн даатгалын шимтгэлээ өөрөө хариуцан төлсөн зарим даатгуулагчийн шимтгэлийн 50 хувийг буцаан олгох тухай хуулиар нэг сая ба түүнээс доош төгрөгийн нийгмийн даатгалын шимтгэл ногдуулах сарын хөдөлмөрийн хөлс, түүнтэй адилтгах орлогоос албан журмаар болон сайн дураар даатгуулсан даатгуулагч 2022 оны 5-12 дугаар сард өөрийн хариуцан төлсөн шимтгэлийн 50 хувийг сар бүр буцаан авах эрхтэй болсон.

Дээрх нөхцөлийг хангасан боловч даатгуулагч таны дансанд шимтгэлийн буцаан олголт ороогүй бол дараах сувгуудын аль нэгэнд хандан 2023.01.20-ны өдрийн дотор дансны мэдээллээ шалгаж бүртгэн баталгаажуулах хэрэгтэй юм байна.

1. https://daatguulagch.ndaatgal.... вэб
2. Emongolia төрийн үйлчилгээний нэгдсэн систем
3. Харьяа аймаг, дүүргийн Нийгмийн даатгалын хэлтэс
4. Сумын нийгмийн даатгалын тасаг, байцаагч

Дансны мэдээлэл зөрүүтэйгээс шалтгаалан шимтгэлийн буцаан олголт аваагүй даатгуулагчийн мэдээлэл шинэчлэгдсэнээр өмнөх сарын буцаан олголтыг нөхөн олгох юм байна.