МОНГОЛ УЛСЫН ЭДИЙН ЗАСАГ ТОГТВОРЖИЖ, СЭРГЭХ ХАНДЛАГА АЖИГЛАГДАЖ ЭХЭЛЛЭЭ


"Азийн бүс нутгийн эдийн засгийн уялдаа холбоо" сэдэвт чуулга уулзалтыг нээж Монгол Улсын Ерөнхий сайд Ж.Эрдэнэбатын хэлсэн үгийг бүрэн эхээр нь хүргэж байна

Эрхэм хүндэт зочид, төлөөлөгчид өө,

Монголын Бизнесийн зөвлөлийн гишүүд ээ,

Та бүхний энэ өглөөний амрыг эрэн мэндчилье!

Энэ чуулга уулзалтад оролцохоор хүрэлцэн ирсэн хөрөнгө оруулагч Та бүхэнд талархал илэрхийлж байна.

Монгол орон эрдэс түүхий эдийн арвин их нөөцтэй, хөрөнгө оруулагчдын сонирхлыг татсан улс. Манай улсын гадаад худалдааны эргэлт жилээс жилд өсөн нэмэгдэж 2016 оны байдлаар 8,3 тэрбум ам долларт хүрсэн бол энэ оны эхний таван сарын байдлаар 4,0 тэрбум ам доллартай тэнцлээ. Нийт экспортын 80 гаруй хувийг уул уурхайн бүтээгдэхүүний экспорт эзэлж байна.

Цаашид эдийн засгаа төрөлжүүлж, олон тулгууртай болгох, хөдөө аж ахуйн түүхий эдээ эцсийн бүтээгдэхүүн болгон боловсруулж, дэлхийн зах зээлд худалдах хэтийн зорилго тавин ажиллаж байгаа.

Далайд гарцгүй Төв Азийн олон улс орны нэгэн адил Монгол Улс ч гэсэн гадаад худалдааны дэд бүтцээ хөгжүүлэх, тээвэрлэлтийн хурдан шуурхай, хямд өртөгтэй шинэ суваг бий болгох, бүс нутгийн худалдааны сүлжээнд нэгдэн орох хүсэл эрмэлзэлтэй байна.

БНХАУ-ын нийслэл Бээжин хотноо өнгөрсөн сард болсон "Нэг бүс, Нэг зам" сэдэвт уулзалтад миний бие улсаа төлөөлөн оролцож улс орнуудын хамтын хүчин чармайлтаар бүс нутагт худалдаа, тээвэрлэлтийн нэгдсэн сүлжээг хөгжүүлэх, түүнд Монгол Улсын оруулж болох хувь нэмрийн талаар байр сууриа илэрхийлсэн билээ.

Мөн энэ сарын эхээр ОХУ-д болсон "Санкт Петербургийн Эдийн засгийн форум"-ын хүрээнд ч бүс нутгийн худалдаа, эдийн засгийн хамтын ажиллагаа, хөрөнгө оруулалтыг нэмэгдүүлэх арга замын талаар олон улс орны бизнес эрхлэгчид болон холбогдох албаны хүмүүс хэлэлцсэн.

Монгол Улсын уламжлалт хөршийн хувьд ч, мөн гадаад худалдааны нийт эргэлтийн 70 гаруй хувь нь ногдож байгаагийн хувьд ч хоёр хөрштэй хийж байгаа гадаад худалдааг цаашид улам өргөжүүлэн хөгжүүлэх нь манай ашиг сонирхолд нийцэх болно.

Монгол Улсаар дамжин өнгөрөх бүх төрлийн тээвэрлэлт, худалдааг цаашид улам нэмэгдүүлэх асар их боломж байгаа гэж бид үзэж байна. Энэ боломжийг бодит ажил хэрэг болгохын тулд Азийн хөгжлийн банкны "Бүс нутгийн хамтын ажиллагааг хөгжүүлэх төсөл"-ийн хүрээнд баруун бүсэд транзит тээвэрлэлтийг хийх боломжийг бүрдүүлсэн хатуу хучилттай авто замыг барьж дууссан. Мөн Алтанбулаг-Замын-Үүд чиглэлийн төмөр замын тээх, нэвтрүүлэх чадварыг жил ирэх тутам өргөтгөн сайжруулж байна. Өнгөрсөн жилүүдэд тасалдаад байсан ОХУ-аас БНХАУ-д нийлүүлэх газрын тосны бүтээгдэхүүний төмөр замын тээвэрлэлт дахин сэргэж эхэллээ.

Цаашид дамжин өнгөрөх төмөр замын тээвэрлэлтийг нэмэгдүүлэх, эрчим хүчний нэгдсэн сүлжээ байгуулах, хоолойн тээвэрлэлтийг хөгжүүлэх чиглэлээр ОХУ, БНХАУ болон бүс нутгийн бусад улс оронтой үр ашигтай санаачилга, төслүүдийг хэрэгжүүлэхэд Монгол Улс идэвхтэй хамтран ажиллах сонирхолтой байна.

Зам, тээвэр, эрчим хүч, харилцаа холбоо, уул уурхай, үйлдвэрлэл, аялал жуулчлалын салбарын дэд бүтцийн бүтээн байгуулалтыг эрчимжүүлж, гадаад орон, тэр дундаа хөрш орнуудтай дэд бүтцээр холбогдох, худалдааг хөнгөвчлөх, бараа бүтээгдэхүүний тээврийн зардлыг бууруулах зорилго бүхий "Хөгжлийн зам хөтөлбөр"-ийгсаяхан Засгийн газрын хуралдаанаар хэлэлцэн баталсан.

Монголын "Хөгжлийн зам" хөтөлбөр, БНХАУ-ын "Торгоны замын эдийн засгийн бүс" санаачилга болон ОХУ-ын "Евразийн эдийн засгийн холбоо" хамтын ажиллагааны механизмтай уялдуулан гурван улсыг хамарсан"Эдийн засгийн коридор" байгуулах хөтөлбөрийг хэрэгжүүлэхээр шийдвэрлэсэн.

Ингэхэд Монгол Улсын баримталж буй гадаадын хөрөнгө оруулалтын бодлого, засаглалын тогтвортой байдал, бодлогын залгамж чанарыг хадгалах нь туйлын чухал гэдгийг бид гүнээ ухамсарлаж бүс нутгийн чанартай дээрх төслүүдийг хэрэгжүүлэх хөрөнгө оруулалт, эдийн засгийн тааламжтай орчин нөхцөлийг бүрдүүлэхийг зорьж байна.

Улс орон хоорондын худалдаа, эдийн засгийн хамтын ажиллагааг хөгжүүлэхэд зөвхөн Засгийн газар хоорондын харилцаанаас гадна бизнес эрхлэгчдийн харилцан ашигтай, нягт хамтын ажиллагаа туйлын чухал гэж бид үзэж байна.

Монголын Бизнесийн зөвлөлөөс зохион байгуулж байгаа өнөөдрийн чуулга уулзалтад нэр хүнд бүхий "Токио Мицибуши", "Софт" банк болон бусад томоохон хөрөнгө оруулагчийнн төлөөлөл оролцож байгаад бид ихээхэн талархаж байна.

УИХ-аас өнгөрсөн намар батлан гаргасан "Эдийн засгийг сэргээх хөтөлбөр" амжилттай хэрэгжиж байна. Монгол Улсын Засгийн газар, ОУВС-тай хамтран хэрэгжүүлэх "Өргөтгөсөн санхүүжилтийн хөтөлбөр" батлагдан хэрэгжиж эхэлсэн бөгөөд энэ хөтөлбөрийг дэмжихээ илэрхийлж, хамтран ажиллаж байгаа Дэлхийн банк, Азийн Хөгжлийн банкны хэд хэдэн төсөл, хөтөлбөр хэрэгжиж эхлэхэд бэлэн боллоо.

Монгол Улсын эдийн засаг тогтворжиж, сэргэх хандлага ажиглагдаж эхэллээ. Энэ онд болон дунд хугацаанд хэрэгжих уул уурхай, дэд бүтцийн хэд хэдэн томоохон төсөл, хөтөлбөрийг хэрэгжүүлэх бэлтгэлээ хангаад байна.

Монгол Улсын зээлжих зэрэглэл буцаад тогтвортой гэсэн түвшиндээ хүрч, Монгол Улс хөрөнгө оруулагчдыг урин дуудаж байна.

Оюутолгойн ордын далд уурхайн бүтээн байгуулалт, Тавантолгой болон бусад ордын төсөл хэрэгжиж эхлэх нь эдгээр төслийг дагасан худалдаа, тээвэр, ложистик, ханган нийлүүлэлтийн олон тааламжтай боломжийг бий болгож байна.

Дунд хугацаанд манай улсын макро эдийн засгийн төлөв хандлага өөдрөг байхаар байгааг Олон улсын банк, санхүүгийн байгууллагууд, бие даасан шинжээчдийн гаргаж буй тайлан, судалгаанаас харж болохоор байна.

Эрхэм бизнес эрхлэгчид, хөрөнгө оруулагчид аа,

Монгол Улс хөрөнгө оруулагчдынхаа итгэлийг алдахгүй, хөрөнгө оруулалт, бизнесийн орчноо улам бүр сайжруулах болно. Та бүхнийг Монголын бизнес эрхлэгчидтэй бизнесийн гэрээ, хэлцлээ итгэлтэйгээр байгуулахыг уриалж байна.

Төр, засгийн зүгээс макро эдийн засгийн орчны тогтвортой байлгах, засаглалын эрсдэлийг бууруулах, хөрөнгө оруулалтын орчныг сайжруулахын төлөө бүхий л хүчин чармайлтаа тавьж ажиллах болно.

"Азийн бүс нутгийн эдийн засгийн уялдаа холбоо" сэдвийн дор болж байгаа чуулга уулзалтад оролцогч Та бүхний бизнесийн үйл ажиллагаа цаашид улам бүр өргөжин тэлэхийн өлзийтэй ерөөлийг дэвшүүлж, сайн сайхан бүхнийг хүсье гэлээ гэж Засгийн газрын Хэвлэл мэдээлэл, олон нийттэй харилцах хэлтсээс мэдээллээ.


0
angry
0
care
0
haha
0
liked
0
love
0
sad
0
wow

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Шинэ мэдээ
МАН: Ардчилсан намтай хамтрахгүй гэх шийдвэрийг олонхийн саналаар гаргалаа 5 цагийн өмнө
МАН: Засгийн газрыг бие даан шинээр бүрдүүлэх эсэх дээр санал хураалт явагдана 8 цагийн өмнө
МАН: АН хамтарсан хэрнээ сөрөг хүчин шиг байгаад байна 10 цагийн өмнө
АТГ: О.Тэмүүлэн өнөөдөр байцаалт өгсөн эсэх талаар хэлэх боломжгүй 14 цагийн өмнө
М.Баярмагнай эмчээр ахлуулсан баг бамбай булчирхайн зангилаа авах дурангийн мэс заслыг амжилттай нэвтрүүллээ 17 цагийн өмнө
Ч.Номин: Энэ жил 200 орчим тэрбум төгрөгийн зээл олголтын 50 орчим хувь нь амралтын газар, жуулчны бааз руу чиглэнэ 17 цагийн өмнө
Ж.Амарсанаа: Манай бэр, хүү, ач нарын зургийг хүртэл гаргаад яриа өрнүүлээд байгаад би үнэхээр харамсаж байна 18 цагийн өмнө
Эмийн үйлдвэрийн газар 443 сая 520 мянган төгрөгөөс эхэлж 9.3 тэрбум төгрөгөөр зарагджээ 18 цагийн өмнө
Хүний эрхийн Үндэсний Комисс БНСУ-ын хилийн гомдол, мэдээллийг хүлээн авч байна 19 цагийн өмнө
​“Сайт_дээр_таны_зураг_байна” гэх утга бүхий хортой холбоос дээр бүү дараарай 19 цагийн өмнө
Эрүүл мэндийн тусламж, үйлчилгээ худалдан авах 2025 оны гэрээ байгуулсан байгууллагуудын жагсаалт гарчээ 19 цагийн өмнө
​Сүхбаатар аймгийн Эрдэнэцагаан суманд гарсан түймэрт 1650 га талбай өртжээ 19 цагийн өмнө
Л.Гантөмөр: Ардчилсан нам засагт байлгаад өгөөч гэж хэзээ ч гуйхгүй 19 цагийн өмнө
Т.Доржханд: ХҮН нам Засгийн газарт байх эсэхээс үл хамаараад хамтарсан засгийн газар цаашаа явах ёстой 19 цагийн өмнө
Ч.Лодойсамбуу: Засгийн газрыг авч үлдэхийн тулд хоёр триллион төгрөг зарцуулна гэсэн асуудал яригдаж байна 20 цагийн өмнө
М.Нарантуяа: Хүмүүс их зальтай болсон. Өөрийнх нь эрх ашиг хөндөгдөхөөр тэмцэгчийн дүрд хувирдаг 20 цагийн өмнө
Нийтийн албан тушаалтны хууль бус хөрөнгийг хураан авах, нөхөн төлүүлэх тухай хуулийн төслийг хэлэлцээд УИХ-д өргөн мэдүүлэхээр тогтлоо 20 цагийн өмнө
Алтай, Хангай, Хөвсгөлийн уулархаг нутгаар бороо, нойтон цас орно 20 цагийн өмнө
Ч.Ундрам: Хамтарсан намууд нэгдмэл байж чадахгүй байна 20 цагийн өмнө
Улаанбурхан өвчний лабораториор батлагдсан тохиолдол 2682 боллоо 21 цагийн өмнө