Д.Амарбаясгалан: Бүртгэл нь алдаатай байгаа иргэдийн мэдээллийг 14 хоногт багтаан шинэчилнэ

Хүүхдийн мөнгө болон улсын бүртгэл дэх мэдээлэл зөрсөн асуудлаар ЗГХЭГ-ын дарга Д.Амарбаясгалан, ЦХХХ-ны сайд Н.Учрал, Сангийн сайд Б.Жавхлан, ҮСХ-ны дарга Д.Батдаваа нар мэдээлэл хийж байна. 

ЗГХЭГ-ын дарга Д.Амарбаясгалан "Өчигдрөөс эхлэн хүүхдийн мөнгө олгох журам хэрэгжсэнтэй холбогдуулан E-halamj систем рүү иргэд нэвтрэхэд мэдээллийн зөрүүтэй байдал, алдаа гарсныг бид хүлээн зөвшөөрөх ёстой. Хамгийн том алдаа нь өрхийн мэдээллийн нэгдсэн сан дээр гарч ирээд байна. Өрхийн мэдээллийн сан нь нэгжийн бага түвшиндээ мэдээллээс зохих хасалтыг цаг тухайд нь хийдэггүй, мэдээллээ цаг тухай бүрт нь шинэчлээгүйн улмаас давхардал зөрүү үүсэж, алдаа болсныг бид хүлээн зөвшөөрч байна. Иймд өрхийн мэдээллийн нэгдсэн санг иж бүрэн болгож нэгдсэн системд оруулна. Тиймээс иргэдийн мэдээллийг 14 хоногт багтаан шинэчилнэ" гэлээ.