Н.Өнөрцэцэг: Хөгжлийн банкны хэргүүдийг нээлттэй явуулах саналтай байна

Хэвлэл мэдээллийн байгууллага болон сэтгүүлчдийн төлөөллөөс өнөөдөр /2022.01.16/ Шүүхийн ерөнхий зөвлөлд шаардлага хүргүүллээ.

АТГ-аас Хөгжлийн банкны хэрэгт холбогдсон 87 этгээдийг яллагдагчаар татаж, шүүхэд шилжүүлээд буй. Тэдний шүүх хурлыг нээлттэй явуулж, процесс дахь олон нийтийн хяналтыг хангахыг хүсэж, сэтгүүлчид ийнхүү нэгдсэн.

Zarig.mn сайтын Ерөнхий эрхлэгч Н.Өнөрцэцэг:
-Хөгжлийн банктай холбоотой хэргүүдийг олон нийтэд нээлттэй, ил тод байлгах санал хүсэлтийг жилийн өмнөөс тавьж буй. Өнгөрсөн долоо хоногт 87 хэргийг Шүүхийн ерөнхий зөвлөл рүү шилжүүлсэн гэх мэдээллийг авлаа. Тиймээс шүүх хурлыг нь олон нийтэд нээлттэй явуулахад анхаарч ажиллаач" гэдэг саналыг хүргүүлж байна. Бид яагаад ийм хүсэлт гаргаж байна гэхээр өнгөрсөн хугацаанд ийм хэрэг гардаг ч шүүхийн шатанд цагаатгагдаж байсан. Тухайн хэргийн шүүх хурлыг нээлттэй явуулах эсэх нь шүүхийн Тамгын газрын мэдэх асуудал. Гэхдээ энэ удаагийн Хөгжлийн банкны хэрэгт 200 орчим хүн буюу маш олон хүн оролцохоор байна. Тийм учраас заал талбайгаар нь хангаж, хэвлэл мэдээллийн байгууллагуудыг мэдээлэх боломжийг хангаж өгөх хүсэлтийг тавьж байна"  гэв.