АТГ-аас нүүрсний хэрэгт холбогдуулан Т.Аюурсайхан болон Ж.Мөнхбат нараас мэдүүлэг авчээ

Нүүрсний хулгайн хэргээр УИХ-ын долоон гишүүнийг АТГ-аас шалгаж байгаа билээ. Үүн дээр нэг сайд, нэг гишүүн нэмэгджээ. АТГ-аас Хөдөлмөр нийгмийн хамгааллын сайд Т.Аюурсайхан болон УИХ-ын гишүүн Ж.Мөнхбатыг дуудан нүүрсний хэрэгт холбоотойгоор гэрчийн мэдүүлэг авсан байна. 

Хөдөлмөр, нийгмийн хамгааллын сайд Т.Аюурсайханыг нүүрсний хэрэгт холбоотойгоор цагдан хоригдоод буй "Эрдэнэс Монгол"-ын Б.Ганхуягтай холбоотойгоор ийнхүү гэрчийн мэдүүлэг авсан аж.  Түүнийг “Эрдэнэс Тавантолгой” ХК-ийн захирал асан, Аж үйлдвэрийн гавьяат ажилтан Б.Ганхуягийг уг албан тушаалд томилуулсан гэх нь бий. 

УИХ-ын гишүүн  Ж.Мөнхбат өмнө нь хэвлэл өгсөн ярилцлагадаа, нүүрстэй холбоотой асуудлаар хууль зөрчсөн бол шалгуулахад бэлэн байгаа. Туслахыг минь дуудаж, тодруулга авсан юм билээ. Би нэг л зүйлийг ам бардам хэлье. Нүүрсний хулгайтай холбоотой нэг ч асуудал байхгүй. Нүүрсний асуудлаар шалгуулахад ам бардам хэлнэ гэж байсан юм.Түүнийг  "Эрдэнэс тавантолгой" компанийн захирал асан Д.Ариунболдтой холбоотой, томилуулж байсан гэдэг.  Тэд биенээ албан тушаалд хүргэсэн дарга, цэрэг хоёр гэж хэлж болно. 2016-2018 оны хооронд "Эрдэнэс Тавантолгой" ХК-ийн Гүйцэтгэх захирлаар ажиллаж байсан Д.Ариунболд нь нүүрсний асуудлаар шалгагдаад удаж буй. Хуулийн байгууллагынхан "Тавантолгой"-н ордоос алдагдсан нүүрсний хэрэгтэй холбож тайлбарладаг.