Х.Болорчулуун: Мөнгө, албан тушаалын төлөө хэнтэй ч хамаагүй наалддаг нэгэн улстөрч намайг гүтгэдэг боллоо, тэр өөрөө төрөөс төрсөн тэрбумтан

ХХААХҮ-ийн сайд Х.Болорчулууныг өөрийн хамаарал бүхий компаниараа дамжуулан, эрх мэдэл албан тушаалаа урвуулан ашиглаж, тендер авсан байж болзошгүй талаар иргэн АТГ-т гомдол гаргажээ. Энэ талаар ХХААХҮ-ийн сайд Х.Болорчулуун мэдээлэл өглөө.

 Тэрбээр "Цэрэндолгор гэх тухайн иргэн намайг хардаж, АТГ-т шалгуулахаар өгч байгаа юм байна. Тухайн иргэн хардах эрхтэй. Гэхдээ хардаж байгаа гээд гүтгэж болохгүй. Гэхдээ энэ иргэний цаана би улстөрч байна гэж харж байгаа. Нэг улстөрч нүүрсний хулгайн хэрэгт холбогдоод намайг нэрийг нь өглөө гээд хардаад байгаа юм. Тухайн улстөрч аль ч намын хэнтэй ч наалдаж, чаддаг бохир улстөрч. Төрөөс төрсөн тэрбумтан. Тэр хүн өөр шигээ намайг сэтгэж байна. Тэр хүн нүүрсний хулгайн хэрэгт холбогдсон шигээ замтай хүн бол. Харин би гурил, тариа будаа шиг цагаан замтай. Дорнод гурилтай холбоотой 18 тендер 2020 онын сонгуулиар гарч байсан. Би ах, дүү есүүлээ. Бүгд хуваариа бизнес эрхлэдэг. Тэр болгоны ажилд би оролцохгүй. Тэднийг би хууль бусаар ажил хийсэн гэж бодохгүй байна" гэлээ.  Мөн Дорнод аймгаас МАН-аас нэр дэвшиж, ялалт байгуулсан УИХ-ын гишүүн Ц.Сэргэлэнгийн талаар "Ер нь хүнийг ханилан байж мэднэ гэдэг. Бид хоёр нэг аймгаас нэр дэвшсэн ч үзэл бодол, замналын хувьд өөр юм билээ" гэв.