Цас их хэмжээгээр орох үед хоногт 200 гаруй тонн давс зарцуулдаг

Нийслэлийн хот тохижилтын газрын дарга Б.Мөнхцэцэгтэй ярилцлаа

Халтиргаа гулгаанаас сэргийлж 330 тонн бодис, 577.7 тонн давс цацжээ

Өнгөрсөн амралтын өдрүүдээр буюу арванхоёрдугаар сарын 24-25-нд Улаанбаатар хот орчимд цас орсон тул халтиргаа гулгаа үүсэхээс сэргийлэн зам талбайн цасыг арилгах, давс бодис цацах ажил үргэлжилсээр байна.
Нийслэлийн хэмжээнд зам талбайн цэвэрлэгээ үйлчилгээний 18 байгууллагын 917 зам талбайн үйлчлэгч, тусгай зориулалтын 84 машин, техник хэрэгсэлтэйгээр ажилласан. Мөн алслагдсан замд цас хунгарлаж даваа гүвээ хаагдах нөхцөл байдлаас урьдчилан сэргийлэн Морингийн даваа, Айдсын даваа, Ар гүнт, Өвөр гүнтийн замд давс, бодис цацжээ.
Арванхоёрдугаар сарын 24-25-ны өдрүүдэд орсон цаснаар 330 тонн бодис, 577.7 тонн давс цацсан бөгөөд одоогоор 1528.94 тонн бодис, 3660.24 тонн давсны нөөцтэй байна.