Статистик: 0-5 хүртэлх насны хүүхдийн эндэгдэл, шалтгааныг тогтоожээ

Тав хүртэлх насны хүүхдийн эндэгдэл, шалтгааныг Үндэсний Статистикийн Хорооноос танилцууллаа. 

Манай улсад 2021 онд тав хүртэлх насны хүүхдийн эндэгдэл 993 бүртгэгджээ. Эндэгдлийн шалтгаан нь нийслэл хотод перинаталь үед үүсэн зарим эмгэг болон төрөлхийн гажиг, гаж хөгжил ба хромосомын эмгэг дийлэнх хувийг эзэлж байна.

Харин хөдөөд перинаталь үед үүссэн эмгэг эндэгдлийн 50 хувь, гэмтэл, хордлого ба гадны шалтгаант бусад эмгэг 17 хувийг эзэлжээ.

Перинаталь үе гэдэг нь жирэмсний тээлтийн 22 долоо хоногоос амаржсаны дараах эхний долоо хоногийг хэлдэг аж. 

Сүүлийн жилүүдэд тав хүртэлх насны хүүхдийн эндэгдлийн түвшин буурч байгаа сайн үзүүлэлт байна. Тодруулбал, 2018 онд тав хүртэлх насны хүүхдийн эндэгдэл 1,000 амьд төрөлтөд 20.8 байсан бол 2020 оны жилийн эцсийн байдлаар 14 болж буурчээ.