“Маргаашийг бүтээнэ” Үндэсний форумд нийслэлийн чингэлтэй дүүргээс 20 залуу эмэгтэй оролцлоо

“Бриллиант клуб” ТББ-аас “МАРГААШИЙГ БҮТЭЭНЭ” үндэсний форумыг энэ сарын 27-30-ны өдрүүдэд Улаанбаатар хотноо 21 аймаг, 9 дүүргийн төлөөлөл 370 манлайлагч, бүтээлч бүсгүйчүүдийн дунд зохион байгуулж өндөрлөлөө. Энэхүү арга хэмжээ нь клубын 5 дахь удаагийн үндэсний арга хэмжээ юм.

Энэ удаагийн Үндэсний форум нь White day, Pink day, Green day өдрийн хүрээнд нийгмийн олон талын шинэ тутам мэдлэг мэдээлэл, сургалтыг оролцогч бүсгүйчүүдэд олгосон бөгөөд уг үндэсний форумд Чингэлтэй дүүргийн салбар салбарын төлөөлөл бүхий 20 залуу эмэгтэй оролцсон юм.

“Бриллиант клуб” ТББ нь орон даяар салбаруудтай бөгөөд 2014 онд байгуулагдсан цагаас хойш 300 гаруй арга хэмжээг зохион байгуулж, НҮБ-ын Эмэгтэйчүүдийн аж байдлын комиссын чуулганд 4 удаа оролцож, BPW буюу Business and Professional Women Олон улсын байгууллагын бүсийн чуулганыг Монголд зохион байгуулж байсан байна. Тэдний уламжлан зохион байгуулдаг “Тэргэнцэртэй сайхан бүсгүй” шалгаруулах үндэсний уралдаан олны анхаарлыг татдаг бa 2021 оны үндэсний ялагч Б.Лхамсүрэн Дэлхийн Тэргэнцэртэй Мисс тэмцээнд оролцохоор хэдхэн хоногийн өмнө Мексик улсыг зориод байна.