МАЛЫН ҮНДЭСНИЙ БҮРТГЭЛ МЭДЭЭЛЛИЙН НЭГДСЭН САНГ НЭВТРҮҮЛЭХ СУРГАЛТЫГ ӨМНӨГОВЬ АЙМАГТ ЗОХИОН БАЙГУУЛЛАА

Цахим хөдөө аж ахуйг хөгжүүлэх, мэдээллийн нэгдсэн санг бүрдүүлэх, мэдээллийн урсгалыг нэгтгэх зорилтын хүрээнд хийж буй Малын үндэсний бүртгэл мэдээллийн нэгдсэн сан, түүний дэд сангуудын программын нэвтрүүлэлтийн ажлыг үе шаттай зохион байгуулж байна. Нэвтрүүлэлтийн зорилго нь Малын үндэсний бүртгэл мэдээллийн нэгдсэн сангийн хөгжүүлэлтийг хийх, чадавхижуулах, мэдээллийн нэгдсэн сангийн баяжилтыг хийх, нэгжийн ажил, үйлчилгээг цахим хэлбэрээр бүртгэхэд оршино. 

Уг ажлын хүрээнд Малын генетик нөөцийн тухай хууль, “Алсын хараа-2050” урт хугацааны бодлогын баримт бичиг, “Хүнсний хангамж-аюулгүй байдлын талаар авах арга хэмжээний тухай” Улсын Их Хурлын 2022 оны 36 дугаар тогтоол, Засгийн газрын 2020-2024 онд хэрэгжүүлэх үйл ажиллагааны мөрийн хөтөлбөрийн төлөвлөгөөний хэрэгжилтийг хангуулах чиглэлээр хийгдэж буй ажлын талаар мэдээлэл өгч, мэргэжил арга зүйн зөвлөмжөөр ханган ажиллалаа. Энэ удаагийн сургалтыг Өмнөговь аймгийн ХХААГазар, Ханбогд сумын ЗДТГазар болон Хөдөө аж ахуйн тасагтай хамтран 2022 оны 09 дүгээр сарын 16, 17-ны өдөр зохион байгуулсан бөгөөд нийт 15 мэргэжилтэн хамрагдлаа. 

Мөн Ханбогд сумын 450 гаруй малчдад Малын тоо толгойн албан татварын тухай хуулийн хэрэгжилтийн талаар мэдээлэл өгч, Гавилууд омгийн хонины шилмэл малын үзэсгэлэнд худалдааны шалгаруулалтад хамтран ажиллав.