Д.Амарбаясгалан: Эрдэнэс Тавантолгойн нүүрсний хулгайтай холбоотой асуудлаар 15 хүн АТГ-т шалгагдаж байна

Нүүрсний хулгайтай холбоотойгоор ард иргэд Сүхбаатарын талбайд хоёр дахь өдрөө  жагсаж байна. Иргэд Засгийн газрыг шийдвэртэй алхам хийхийг шаардаж байгаа юм. Энэ асуудалтай холбогдуулж, Засгийн газрын хэрэг эрхлэх газрын дарга Д.Амарбаясгалан, Эдийн засгийн хөгжлийн сайд Ч.Хүрэлбаатар нар өнөөдөр /2022.12.05/ мэдээлэл хийлээ.

Эдийн засгийн хөгжлийн сайд Ч.Хүрэлбаатар: Л.Оюун-Эрдэнийн Засгийн газар хүн засагладаггүй хууль засагладаг байх тогтолцоог бүрдүүлэхээр ажиллаж байна. Нүүрсний хулгайг гурван удаа ярьсан. Эрх мэдэлтэй, албан тушаалтнууд холбогдсон байдаг. “Эрдэнэс Тавантолгой” компани дээр онцгой дэглэм тогтоогоод ажиллаж байна. Онцгой дэглэм тогтоосноор хэд, хэдэн асуудал тодорхой болж байна. Нүүрстэй холбоотой хэрэг гэхээр гурван төрлийн зүйл яригддаг.  Жагсаж байгаа иргэдэд хариулт өгөхийн тулд хууль хяналтын байгууллагаас мэдээлэл аваад та бүхэнд хүргэж байна гэсэн юм.