ЦЕГ: Жагсаалд оролцсон иргэдээс саатуулсан, эрүүлжүүлсэн хүн байхгүй

Нүүрсний хулгайчид улсын их хэмжээний мөнгөн орлогыг шамшигдуулсан хэргийг иргэд эсэргүүцэн өчигдөр /2022.12.4/ Сүхбаатарын талбай дээр жагссан. Ингэхдээ нүүрсний хулгайчдад хариуцлага тооцон нэрсийг нь ил тод болгохыг Засгийн газраас шаардсан. Жагсаал, цуглаантай холбоотойгоор цагдаагийн байгууллагаас иргэдийг саатуулж, эрүүлжүүлээгүй гэдэг мэдээллийг өглөө.

Улмаар жагсагчдын зарим нь Их тэнгэрийн аманд хүрэхээр явсан тул цагдаагийн байгууллагаас Маршалын гүүр дээр тусгай хамгаалалт гаргасан.

Өчигдөр  11:00 цагаас эхэлж, орой болтол үргэлжилсэн дээрх жагсаалд оролцсон иргэдээс саатуулсан, эрүүлжүүлсэн хүн байхгүй цагдаагийн байгууллагаас мэдээллээ.

Монгол Улсын Үндсэн хуульд заасан иргэдийн эрх, эрх чөлөө алдагдаж, ард түмний амьдрал өдрөөс өдөрт туйлдаж байгааг жагсаалд оролцогчид дуу нэгтэй хэлж буй бөгөөд уг жагсаал Төв талбайд өнөөдөр дахин үргэлжилж байна.