Ирэх онд ипотекийн зээлийн эх үүсвэр хэвийн горимд шилжинэ

УИХ-ын чуулганы өнөөдөр (2022.11.11)-ийн нэгдсэн хуралдаанаар Монгол Улсын 2023 оны төсвийг эцэслэн батлав. Үүнтэй холбогдуулан Сангийн сайд Б.Жавхлан мэдээлэл хийлээ. Энэ үеэр, Ипотекийн зээл дээр засгийн газар маш тодорхой байр суурьтай байгаа гэсэн юм. Энэ жил 12 сарын 31 ээр ковидын хуулийн хугацаа дуусна. Энэ хугацаа дууссанаар Ипотекийн зээл төлөлтийн хугацааг хойшлуулж байсан горим дуусна гэлээ. Өөрөөр хэлбэр ирэх 2023 оны нэг сарын нэгнээс зээлийн төлөлт өмнөх хэвийн хуваарийн дагуу төлөгдөх болж байна.

Сангийн сайд Б.Жавхлан хэлэхдээ, зээлийн санхүүжилтэд өөрчлөлт орохгүй. Энийг хийж байгаа оператор нь л өөрчлөгдөж байгаа гэсэн үг. Монголын ипотекийн корпорац дээр схем нь явж байгаа. Засгийн газар төсвөөс санхүүжилтээ 2019 онд дуусгасан, оролцоо байхгүй болсон. Өмнө гарсан эх үүсвэрүүдээрээ ипотекийн зах зээл эргэлтэд оруулаад өөрөө өөрийгөө санхүүжүүлээд явдаг энэ горимдоо шилжсэн. Ковидын өмнө сардаа 20-30 тэрбум төгрөг эргэн төлөгдөөд энэ хэмжээгээр дараагийн зээл хүсэгчдэд зээл авах боломж үүсдэг байсан. Төлөлт хийх хугацааг хойшлуулснаар сард 5-10 тэрбум болтлоо буурсан. Тэгэхээр одоо зээл авсан хүмүүсийн хувьд аль болох хуучин хуваарьтаа ороод явах нь дараагийн зээлдэгч нартаа боломж өгч байгаа юм гэлээ.