Банкны нэг хувийн шимтгэлтэй холбоотой есөн банканд 20 сая төгрөгийн торгууль оногдуулсан

Шударга Өрсөлдөөн, Хэрэглэгчийн Төлөө Газраас сүүлийн үед хийгдсэн хяналт шалгалт болон цаг үеийн асуудлаар өнөөдөр мэдээлэл хийлээ.

ШӨХТГ-ын дарга С.Мөнхчулуун: Банкны нэг хувийн шимтгэлтэй холбоотой хяналт шалгалт хийсэн. Энэ дагуу есөн банканд Зөрчлийн тухай хуулийн дагуу тус бүр 20 сая төгрөгийн торгууль оногдуулсан. Тус банкууд дээрх шийдвэрийг хүлээн зөвшөөрөхгүй гэдгээ мэдэгдэж шүүхэд гомдол гаргасан. Шүүхийн ажиллагаа үргэлжилж байна.

Мөн нэг хувийн шимтгэлтэй холбогдуулан иргэдийн зүгээс ББСБ-ыг шалгах санал ирүүлсэн. Одоогоор 527 ББСБ үйл ажиллагаа явуулж байгаагаас 50-д нь хяналт шалгалт явууллаа. Үүнээс 26 ББСБ-д зөрчил илэрсэн. Зээлийн шимтгэлийн нэг хувийг авахдаа үндэслэлгүй тогтоосон, зээлийн шимтгэл хураамжийг давхардуулан авсан гэх зөрчлүүд гарч байгаа.