Итэвоны аймшигт үйл явдлын үеэр 30 гаруй хүний амийг аварч, гэнэт алга болсон "Чимээгүй баатрууд"

Итэвонд болсон аймшигт хэрэг яг өрнөж байх үед АНУ-ын гурван иргэн 30 гаруй хүний алтан амийг аварчээ.  “Ингээд л үхдэг юм байжээ гэж байтал гэнэт л намайг хэн нэгэн тариан талбайгаас ногоо зулгааж буй мэт татан аварсан” тухай Итэвоны гудамжинд олны дунд яах учраа олохгүй хүнд байдалд байсан 182 см өндөр, 96 кг жинтэй нэгэн залуу дурсан ярьсан байна. 

Тэд аюулын голомт дээрээс олонд туслаж хэрэг дуусмагц чимээгүй алга болсон. Гэсэн ч үйл явдал өнгөрсний дараа эсэн мэнд үлдэж чадсан иргэд тэдгээр баатруудыг хичээнгүйлэн хайсны эцэст олж чадсан байна. 

Жамил Тэйлор (40), Жером Аугуста (34), Дэйн Витад (32) нар Кёнгидогийн Дундүчон-сигийн Кэмп Кейсид ажилладаг бөгөөд тэд ч мөн тухайн үед баяр тэмдэглэхээр тухайн газрыг зорьсон байжээ. 

Байдал бишдэж буйг мэдэрсэн гурван залуу хана руу авирч, эргэн тойрны хашлага руу зугтаж чадсан ч тэр дороо аймшигт дүр зургийг харж, "Намайг авраач" гэж хашгирч буй хүмүүсийг тариан талбайгаас ногоо суглан авч буй мэт сугалан авч, туслаж эхэлсэн байна. 

Жамил Тэйлор хэвлэлд өгсөн ярилцлагадаа "Бид олны дундаас гарч чадсан ч хүмүүс даалуу нурахтай адил бие биенийхээ дээр унаж эхэлсэн, хүмүүсийн хашгирах чимээ аймшигтай байсан" тухай дурджээ. 

Амьд гарч, аврагдсан залуу "Чимээгүй баатрууд “Намайг авраач” гэж хашгирч буй хүмүүсийг олны дундаас гаргаж, ойролцоох дэлгүүр, клубууд руу оруулж байсан. Миний гар, суга талаас шүүрч аваад өргөн ойролцоох бааранд аваачсан” гэж хэлсэн бол баатрууд "Олон хүнийг авармаар байсан ч хэтэрхий оройтсон байсан, нарийхан гудамжинд хүмүүс бөглөрсөн байсан тул аврагчид тэднийг аварч чадаагүй. Биднийг явахад хаа сайгүй цогцос байсан” гэж дурссан байна. 

Эх сурвалж: https://www.wikitree.co.kr/art... https://www.facebook.com/hikor...