Франц Улс 2030 гэхэд тэрбум мод тарина

Франц Улс биологийн олон янз байдлыг хадгалах, хүлэмжийн хийн шингээлтийг нэмэгдүүлэх зорилгоор 2030 он гэхэд нэг тэрбум мод тарина хэмээн тус улсын Ерөнхийлөгч Эммануэл Макрон мэдэгджээ.

Тэрбум мод нь тус улсын ойгоор бүрхэгдсэн газар нутгийн 10 хувийг эзлэх юм.

Ерөнхийлөгч Макрон дээрх мэдэгдлийг гал сөнөөгчдөд хандан үг хэлэх үеэрээ хийсэн байна.

Тодруулбал, Франц Улсад өнгөрсөн зун 72 мянган га талбайг хамрах ой түймэрт өртсөн нь сүүлийн арван жилийн дундаж үзүүлэлтээс зургаа дахин өндөр байгаа юм.

Ерөнхийлөгч Макрон ойн түймэртэй тэмцэх, унтраах ажилд гар бие оролцсон гал сөнөөгчид, ой хамгаалагчид, дүүргээс сонгогдсон төлөөлөгчдөд талархал илэрхийлж, 2030 он хүртэл хэрэгжүүлэх ойн салбарын стратегиа танилцуулжээ.

Энэ хүрээнд гал сөнөөх байгууллагын чадавх, агаараас дэмжих ажиллагааг сайжруулахаар төлөвлөж буй бөгөөд энэ ажилд зориулан жилд 250 сая еврогийн санхүүжилтыг шийдвэрлэжээ.

Эх сурвалж: https://www.euractiv.fr/section/climat/news/emmanuel-macron-annonce-la-plantation-dun-milliard-darbres-dici-a-2030/