"Номин"-гийн Ш.Баярсайхан Нийслэлийн прокуроруудыг "Эрэл"-ийн Б.Эрдэнэбатаас авилга авсан хэмээн шалгуулахаар АТГ-т хандлаа

"Эрэл"компанийн захирал Б.Эрдэнэбат нь Нийслэлийн прокуроруудад авлига өгч, хэргээ хаалгах гэж байна хэмээн "Номин Холдинг" компанийн захирал Ш.Баярсайхан АТГ-т ханджээ. Энэ талаар түүний өмгөөлөгч О.Батсүх "Номин Холдинг" компанийн захирал Ш.Баярсайхан нь өөрийг нь нэр бүхий этгээд залилсан үйлдлийг шалгаж байгаа хууль хяналтын байгууллагын ажилтан, албан хаагчидтай холбоотой гомдлыг АТГ-т гаргасан. Энэ гомдлоо өнөөдөр АТГ-т өглөө. 

Ш.Баярсайхан нь 2016 онд Монголын томоохон компанийн үүсгэн байгуулагчид 20 тэрбум төгрөгөө залилуулан. Энэ асуудал шалгагдаад анхан шатны шүүхээр хэрэг шийдвэрлэж, гэм буруутай этгээд хорих ял авсан. Улмаар дээд шүүхээс гэмт хэрэг үйлдсэн эсэх асуудлыг үгүйсгээгүй, зөвхөн Ш.Баярсайхан гэдэг хүнээс авсан 20 тэрбум төгрөгийг хэрхэн яаж зарцуулсныг шалга хэмээн прокурорт буцаасан. 

Гэтэл энэ хэрэг прокурорт буцаагдсанаас хойш дахин шүүх рүү шилжээгүй. Хэрэг нь замхарсан, удааширсан. Мөрдөгч нь хэргийг хаах саналыг хэд хэдэн удаа гаргаад байгаа. Шалгагдаж байгаа хүн нь өмгөөлөгчөөрөө Нийслэлийн прокурорын газарт олон жил прокурор хийсэн, удирдах албан тушаал хашиж байсан хүнийг авсан. Энэ хүн өмгөөлөгчөөр орж иргэнээс хойш энэ хэрэг удааширч байгаа. Магадгүй хэргийг хянаж байгаа прокурор, хуулийнханд хууль бусаар нөлөөлж, авлига зуучилж, хэргийг замхруулж болзошгүй гэж хардаж, энэ асуудлыг болон нэр бүхий прокуроруудыг шалгуулахаар АТГ-т хандаж байна. 

Ш.Баярсайханыг залилсан гэх хүний нэр одоо Хөгжлийн банкны асуудалд бас дурдагдаж байгаа.  Хөгжлийн банкнаас олон тэрбум төгрөгийн хөрөнгийг барьцаалж зээл авсан хэр нь нэг ч төгрөгийн эргэн төлөлт хийгээгүй. Мөн Хөгжлийн банканд барьцаалсан хөрөнгөө миний үйлчлүүлэгчид барьцаалж, зохиомол байдлыг зориудаар бий болгож, бодит байдлыг нуух замаар 20 тэрбум аваад аваад залилсан өнөөдрийн байдлаар нэг ч төгрөг төлөөгүй гэж мэдэгдсэн юм.