ЕБС-иуд "Сүнсний баяр"-ыг тэмдэглэхгүй байх сайдын тушаал хэвээр үйлчилнэ

Халловины баярыг дэлхий дахинд олон зуун жилийн турш тэмдэглэж ирсэн уламжлалтай. Тус баярын  бусдаас ялгаатай тал нь 2000 жилийн тэртээгээс тэмдэглэж ирсэн, католик шашны зан үйлээс үүссэн шашны тэмдэглэлт өдөр гэдэг. Жил бүрийн аравдугаар сарын 31-нд улс орнууд тэмдэглэж ирсэн Халловины баяр нь манай улсын нийтээр тэмдэглэх баяр ёслолын жагсаалтад багтаагүй.  

БШУЯ-ны бүх шатны боловсролын сургалтын байгууллагын суралцагчдын дунд сүнсний баярыг тэмдэглэхгүй байх сайдын тушаал 2019 онд гарч байсан. Тэгвэл уг шийдвэр цуцлагдаагүй, хэвээрээ байгаа бөгөөд тушаалыг мөрдөх учиртай.

Сайдын тушаалд:

Хүүхдийн хүмүүжил, төлөвшилд сөрөг нөлөө үзүүлэхүйц баяр, арга хэмжээнд хүүхдээ оролцуулахгүй байхыг зөвлөсөн байдаг. 

Уг баярыг Мексик болон Латин Америкт нас барсан хамаатайн садан, хайртай нэгнээ хүндэтгэх зорилгоор тэмдэглэдэг ажээ. Харин Канад, Ирланд, АНУ зэрэг улсууд эртний түүхт, шашны зан үйл болох Халловиныг хөгшин, залуу гэлтгүй хөгжилдөж өнгөрөөдөг байна. Ингэхдээ баг, өмсгөл зэргийг өмсөөд “trick-or-treating” хуурт эсвэл дайл хэмээн хэлж айл айлаар хэсч чихэр цуглуулж, тоглоом тоглож хөгжилддөг.

Сүнсний баяр нь Мексик, Латин Америк, Испани зэрэг орнуудад 10 сарын 31-нд эхэлж 11 сарын 2 хүртэл үргэлжилдэг бөгөөд Халловины өдөр гэртээ эргэж ирсэн үхэгсэдийг хүндэтгэн хүлээн авах зорилгоор тэмдэглэдэг байна.  Ихэнх гэр бүлүүд талийгаачид зориулсан тахилын ширээ засч, чихэр, цэцэг, зураг болон талийгаачдынхаа дуртай байсан хоол, уух зүйл зэргийг бэлдэж тавьдаг юм.