Төрүүлсэн болон үрчлэн авсан хүүхэд бүрийн тоогоор 1.6 сарын нэмэгдэл авах боломжтой

Нийгмийн даатгалын сангаас олгох  тэтгэвэр, тэтгэмжийн тухай хуулийн дагуу  хөнгөлөлттэй нөхцлөөр тэтгэвэр олголт хийдэг. Энэ хүрээнд  2022 оны 9-р сарын байдлаар 26 мянган малчин, өндөр настны тэтгэвэр тогтоолгож, тэдний тэтгэвэрт 92.1 тэрбум төгрөг зарцуулжээ. Дундаж тэтгэврийн хэмжээ 504.1 мянган төгрөг байна.

 Мөн төрүүлсэн болон үрчлэн авсан хүүхдийн тоогоор шимтгэл төлсөн хугацааг нэмэгдүүлэх хуулийн зохицуулалт хэрэгжиж байна.  2021 оны байдлаар 41.2 мянган даатгуулагч эх хүүхдийн тооноос хамааран нийгмийн даатгалын шимтгэл төлсөн хугацаагаа дунджаар 4.7 жилээр нэмэгдүүлэн тэтгэвэр тогтоолгосон байна.  Төрүүлсэн болон гурав хүртэл настайд нь үрчлэн авч зургаан нас хүртэл хүүхдээ өсгөсөн эхийн НДШ төлсөн нийт хугацаан дээр төрүүлсэн болон үрчлэн авсан хүүхэд бүрийн тоогоор 1.6 сарыг тооцдог.

Түүнчлэн хүүхдээ гурван нас хүртэл нь асрах чөлөөтэй байгаа эхэд НДШ-ийн хөнгөлөлт үзүүлэх хуулийн зохицуулалт хэрэгжиж байна.  Нийгмийн даатгалын сангаас олгох  тэтгэвэр, тэтгэмжийн тухай хуулийн дагуу жирэмсэн болон амаржсаны тэтгэмж авах эрх үүссэн сайн дурын даатгуулагч эхийн хүүхдээ гурван нас хүртэл нь асрах хугацаанд шимтгэлийн 50 хувийг тэтгэмжийн даатгалын сангаас, бусад эхийн шимтгэлийн 50 хувийг улсын төсвөөс хариуцан төлж байна.  

Өнөөдрийн байдлаар 25.4 мянган даатгуулагч эхийн нийгмийн даатгалын шимтгэлд 5.5 тэрбум төгрөгийг тэтгэмжийн даатгалын сан болон төрөөс хариуцан төлжээ.