Төсвийн хөрөнгө оруулалтын санхүүжилт 20-30 минутад гүйцэтгэгчийн дансанд шилждэг боллоо

Төсвийн хөрөнгө оруулалтын төлөвлөлт, санхүүжилтийн үйл ажиллагааг ил тод, нээлттэй байх, техник ажиллагааг бууруулах хүрээд Сангийн яамнаас төсвийн хөрөнгө оруулалтын гүйлгээг бүрэн автоматжуулжээ. 

Ингэснээр хувийн хэвшлийг дэмжиж, төрийн үйл ажиллагааны хүнд суртал, техник ажиллагааг бууруулж "Төрийн бүтээмж"-ийн сэргэлтийг хэрэгжүүлэх нэг ажил болж байгааг тус яам мэдээлсэн байна. 

Өмнө нь гүйцэтгэлийн санхүүжилт гүйцэтгэгч байгууллагын данс руу 7-14 хоногт шилждэг байсан бол гүйлгээг бүрэн автоматжуулснаар дунджаар 20-30 минутад гүйлгээ шилждэг болж байгаа аж.

Ингэснээр төсвийн хөрөнгө оруулалт, санхүүжилтийн талаарх мэдээллийг иргэд www.publicinvestment.gov.mn сайтаас харах болон хянах боломж бүрджээ.