"UG ARENA" спорт цогцолбор болон "TOKI" апп хамтын ажиллагааны гэрээ үзэглэлээ 

Монголын спорт, энтертайнмент салбарт цахиур хагалж, Монгол улсын сагсан бөмбөгийн хөгжлийг нэг түвшин ахиулахаар байгуулагдаж буй “Мөрөөдлөө хамтдаа биелүүлье” уриат UG Arena цогцолбор нээлтээ хийхэд тун бага хугацаа үлдлээ. Тэгвэл энэхүү дуулиант агшныг улам баяжуулах бас нэгэн сайхан мэдээ бол та бүхэнд өдөр тутмын хэрэгцээт үйлчилгээг нэг дороос авах боломжийг олгодог, дижитал салбарт түүчээ болсон Toki апп болон UG Arena цогцолбор сагсан бөмбөгийн спортыг дэмжиж ажиллах, дижитал аренаг хамтран хөгжүүлэх чиглэлд урт хугацааны хамтын ажиллагааг эхлүүлж буй явдал билээ.  

UG Arena цогцолборын талаар товч дурдвал:

UG Arena  цогцолбор нь “Уранган” группийн 100 хувийн хөрөнгө оруулалтаар байгуулагдсан ба нийт 20,000мкв талбайтай, сагсан бөмбөгийн орднуудын олон улсын стандарт шаардлагыг бүрэн хангасан, тоног төхөөрөмж хүчин чадал бүр дэлхийн жишигт нийцсэн, спортын салбарт үнэмлэхүй үнэ цэнийг авчрах бүтээн байгуулалт юм.

Харин та бүхний сайн мэдэх Toki апп бол хүн бүрийн өдөр тутамд хэрэгтэй бүх үйлчилгээг нэг дор багтаасан таны цаг хугацааг хэмнэх хялбар, хэрэгтэй аппликейшн юм. Та такси дуудах, оффисынхоо давхарт кофе, хоол хүргүүлэх, нэгж болон дата авах, хэрэглээний төлбөрүүдээ төлөх, тоглоом тоглох, цэнэглэх, зогсоолын төлбөрөө гар утсаараа төлөх, автобусны Umoney картаа цэнэглэх гэх мэт өдөр бүрд хэрэгтэй үйлчилгээнүүдээ нэг дороос хялбар, хурдан авах боломжийг олгодог шинэлэг, супер аппликейшн билээ.

Энэхүү хамтын ажиллагааны хүрээнд UG Arena-тай хамтран дараах үйлчилгээнүүдийг авах боломжтой болж байгаа юм.

• UG Arena-д зохион байгуулагдах тэмцээний тасалбарууд захиалах
• UG Arena доторх газрын зураг, тайлбар, байршлын мэдээллүүдийг харах
• Тоглолтын дундуур идэх болон уух зүйлсээ захиалж, суудал дээрээ хүргүүлэх
• Тоглолтын дараа зогсоолын төлбөрөө автоматаар төлөх
• UG Arena доторх ресторан болон караокед урьдчилсан захиалга өгөх зэрэг үйлчилгээг та Toki апп ашиглан авах боломжтой.

Спорт сонирхогчдодоо дижитал аренаг бодитоор мэдрүүлэх, үзвэр үйлчилгээний шинэ соёлыг нэвтрүүлэн дараагийн түвшинд авчрах боломж ийнхүү нээгдэж байна. Тасалбарыг зөвхөн цаасаар худалдан авдаг, тасалбар дууссан эсэхийг “касс”-нд очиж байж шалгадаг, гал гарсан тоглолтын оргил үеэр уух зүйлээ заавал биеэр очиж худалдан авдаг, хаана ямар үйлчилгээ болж байгааг зөвхөн ажилтнаас нь асууж байж мэддэг цаг үе ийнхүү ард хоцорч байгаа юм.