Ж.Ганбаатар: Татвар, орлогоо нэмнэ гээд хууль оруулж байгааг дэмжихгүй

ЭЗБХороогоор ХАҮТ-ын тухай хуулийн шинэчилсэн найруулгын төслийг хэлэлцэх үеэр УИХ-ын гишүүн Ж.Ганбаатар "Би хуулийн төслийг дэмжихгүй байгаа.

Танхимын санхүүжилтийн асуудал хүндрэлтэй, орлого нь зарлагаа нөхөж чаддаггүй учраас гишүүнчлэлийн татварын орлогоо нэмэгдүүлэх, танхимаас үзүүлдэг үйлчилгээний хөлсөө өөрөө тогтоодог болох шаардлагатай байна” гэж үзэл баримтлалдаа бичсэн.

Төслийг харахаар хуулийн этгээдүүд улсын бүртгэлд бүртгүүлээд 14 хоногт багтаан танхимд заавал гишүүнчлэлтэй болж, татвар төлж эхлэхээр байгаа.

Өндөр татвар төлж, гоё нэртэй гишүүнчлэлтэй болсон хэсэг нь давуу эрх эдэлж үйлчилгээ авдаг, бусад нь санхүүг нь бүрдүүлж өгдөг болох юм байна.

Хөдөлмөрийн тухай хууль, Зөрчлийн тухай хууль гээд аж ахуй эрхлэгч нараа хамгаалж дуугарах юман дээрээ дуугардаггүй хэрнээ татвар, орлогоо нэмнэ гээд хууль оруулж байгааг дэмжихгүй ээ" гэсэн юм.