Ш.Адьшаа: Уул уурхайн компаниуд орон нутагтай гэрээ байгуулж, хандив өгөх тухай заалт оруулж ирснийг дэмжихгүй

УИХ-ын гишүүн Ш.Адьшаа төсөв хэлэлцэж байгаа энэ үеэр уул уурхайн компаниуд орон нутагтай гэрээ байгуулж, хандив өгөх тухай заалтыг салбарын сайд нь мэдээгүй байхад сэм оруулж ирснийг дэмжихгүй байгаагаа илэрхийллээ. 

Тэрбээр "Уул уурхайн компаниуд нутгийн иргэдэд багахан хэмжээний хандив өгдөг. Тэрийг нь Засаг дарга нь хэдэн хүнтэй нийлээд эрүүл мэндэд зарцуулна гэх мэтээр аваад хувааж иддэг.

Өнөөдөр Ховд аймгийн ИТХ ээлжит бусаар хуралдаж Хар ус нууруудын хотгорт газрын тосны хайгуулсан ажил хийх асуудлыг хэлэлцэж байна. Ч.Ганхуяг Ховдод оччихсон малчдад хандив өгөөд хайр зарлаад явж байна. Эрдэнэбүрэнгийн УЦС-ын АӨЗ-ны дарга дүү нь Харвардын Засаг даргатай нийлчихсэн өвс тараагаад зургаа даруулаад явж байна. Би энэ бүгдийг хардаж байна" гэсэн юм.