ЖАГСААЛТ: Ходоодны хорт хавдраар Монгол Улс, Япон, Өмнөд Солонгос, Хятад улс тэргүүлжээ

Дэлхийн хавдрын талаарх тоо мэдээллийг авч үзвэл, дэлхий дахинд 2020 оны байдлаар 19.3 сая хүн хорт хавдраар өвчилж, 9.9 сая хүн хорт хавдрын улмаас нас баржээ. Хавдрын өвчлөлийн бараг тал хувийг буюу 49 хувийг Азийн улс орнууд эзэлж байна.

Харин Монгол Улсад 2021 онд 5981 хүн хорт хавдраар өвчилж, 4559 хүн хорт хавдрын улмаас нас барсан талаар дээр дурдсан. Хавдраар өвчилсөн хүмүүсийн 72.5 хувь нь хожуу шатандаа оношлогдож, үүний 60 хувь нь онош тогтоогдсоноос хойш нэг жил хүрэхгүй хугацаанд амьдраад нас баржээ. 

Дэлхийн хорт хавдрын судалгааны сангаас гаргасан мэдээлэлд дурдсанаар Монгол Улсад 100000 хүнд ногдох хорт хавдрын нас баралтын түвшин 175.9 болж дэлхийн бусад орнуудаас нэгдүгээрт жагсжээ. Мөн Серби, Унгар, Монтенегро, Словак, Самоа зэрэг улсууд мөн 100000 хүнд ногдох хорт хавдрын нас баралтын түвшингээр дээгүүр буюу 139.8-150.6 байна. 

Мөн манай улс дэлхийн бусад орнуудаас элэгний хорт хавдрын өвчлөл, нас баралтаар болон ходоодны хорт хавдраар өвчлөгчдийн тоогоор тэргүүлжээ.

Ходоодны хорт хавдраар өвчлөгчдийн тоогоор Монгол Улс, Япон, Өмнөд Солонгос, Хятад улс болон Тажикстан, Киргизстан, Казахстан улсууд тэргүүлжээ.