ТӨСӨВ 2023: Татварын орлого 25.2 хувиар нэмэгдэхээр тооцоолжээ

Ц.Цэрэнбадам

2022/10/11

Ирэх оны төсвийн төсөлд татварын орлого 2022 оны батлагдсан дүнгээс 25.2 хувиар нэмэгдэж, 17 их наяд төгрөгт хүрэхээр тооцсон байна.

Аж ахуйн нэгжийн орлогын албан татварын орлого 2022 оны батлагдсан түвшинтэй харьцуулахад 13.6 хувиар нэмэгдэж, 2,400.0 тэрбум төгрөгт хүрэхээр байгаа бол хувь хүний орлогын албан татварын орлогыг өмнөх жилүүдийн орлогын гүйцэтгэл, цалин хөдөлмөрийн хөлсний өсөлт зэрэгтэй уялдуулан энэ оны батлагдсан дүнгээс 11.5 хувиар нэмэгдүүлэн 1,262.8 тэрбум төгрөгт хүрэхээр тооцсон байна. Хувь хүний орлогын албан татварын өсөлтөд ирэх онд нэмэгдэх хөдөлмөрийн хөлсний доод хэмжээ, хувь хүний орлогын албан татварын шаталсан тогтолцооны өөрчлөлт, цалингийн сангийн өсөлт голлон нөлөөлж байгааг төсвийн төсөлд дурджээ.

Төсвийн орлогыг хүснэгтээр харуулбал

ТӨРӨЛ	ЭЗЛЭХ ХУВЬ	ТӨГРӨГ
Нэмэгдсэн өртгийн албан татварын орлого	26.5 %	4,530.0 тэрбум
Нийгмийн даатгалын шимтгэлийн орлого	21.1 %	3,597.3 тэрбум
Орлогын албан татвар	20.6 %	3,509.7 тэрбум
Гадаад үйл ажиллагааны орлого	8.9 %	1,520.0 тэрбум
Онцгой албан татварын орлого	5.7 %	966 тэрбум
Бусад татварын орлого	17.2 %

Статистикийн мэдээллийн нэгдсэн сангаас авсан мэдээллээр улсын нэгдсэн төсвийн 88.8 хувийг татварын орлого бүрдүүлдэг бол төсвийн зардлын 80.7 хувийг урсгал зардал эзэлдэг байна.

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна