Эдийн засагч Д.Ангар: Эдийн засгийг ийм хүнд байдалд хүргэсэн газар бол Монголбанк

Эдийн засагч Д.Ангар: Сүүлийн 20,30 жилийн хугацаанд хамгийн буруу хэрэгжсэн нь Төв банкны мөнгөний бодлого. Өнөөдрийн ийм байдалд хүргэсэн газар бол Монголбанк. Учир нь бодлогын хүүгээ өсгөж инфляцаа дарна гэдэг буруу бодлого хэрэгжүүлсэн. Энэ үр дүнд Монголд хадагалмжийн хүү өсч, зээлийн хүү өссөн. Дэлхий дээр хамгийн өндөр зээлийн хүүтэй болсон чинь Монголбанкны хэрэгжүүлсэн бодлогын үр дүн. Монголбанкны тооцоолсноор зээлийн хүү, хадгаламжийн хүүгээ өсгөчихвөл инфляцаа барих юм байна гэдэг муйхар бодлого хэрэгжүүлсэн нь нөгөө талаараа үйлдвэрлэлээ нухчин дарж байгаа юм. Үйлдвэрлэл явуулах эх үүсвэргүй, зээлийн хүү өндөр. Эхлүүлсэн үйлдвэрлэлийг өндөр зээлийн хүүгээр дараад дампууруулчихдаг. Сая Монголбанк бодлогын хүүгээ өсгөчихлөө. Энэ бол богино хугацаандаа мөнгөний нийлүүлэлт дээр ирж байгаа дарамтаа бага зэрэг зохицуулж байгаа юм шиг боловч урт хугацаандаа дотоодын үйлдвэрээ нухчин дардаг. Зах зээлийн эдийн засагт шилжээд 32 жил болж байхад ямар ч үйлдвэрлэл хөгжөөгүй байгаа нь мөнгөний бодлоготой холбоотой. Цаашид энэ чигээрээ байвал 20,30 жилийн дараа Монгол улс байх, байхгүй асуудал яригдана.

Видеогоор үзэх: