С.Бямбацогт: Ар өврийн хаалгаар вагон хурдлуулдаг, гацаадаг байдлыг таслан зогсооно

Зам тээврийн хөгжлийн сайд, УИХ-ын гишүүн С.Бямбацогт өнөөдөр  11:00 цагт "Улаанбаатар төмөр зам" хувь нийлүүлсэн нийгэмлэгт ажиллана.

Энэ талаар Зам тээврийг хөгжлийн сайд, УИХ-ын гишүүн С.Бямбацогт өөрийн цахим хуудаснаа "Асуудлыг тойрч суугаад шийдэл олохоос биш тойрч зугтаад шийдэхгүй. УБТЗ-д ажиллана. Ашиг сонирхлын зөрчил, ар өврийн хаалгаар вагон хурдлуулдаг, эсхүл гацаадаг гэсэн гомдол их гардаг. Энэ асуудлыг таслан зогсоохын тулд 11:00 цагаас "Ган зам" паласт бүх талуудын оролцоог хангасан НЭЭЛТТЭЙ УУЛЗАЛТ хийх тул тээвэр зуучийнхан, төмөр замын компаниуд, импортын ачаа хүлээн авагч, экспортын ачаа илгээгчид, мэдээллийн технологийнхон, хэвлэл мэдээллийнхэн гээд сонирхсон бүгдийг урьж байна" хэмээн бичжээ.