Сузуки ЖИМНИ автомашины ЭРЭЛТ ИХСЭН, НИЙЛҮҮЛЭЛТ БАГАСЧ магадгүй байна

Автомашин үйлдвэрлэхэд ордог түүхий эдийн үнийн өсөлттэй байдал болон олон улсын хэмжээнд тээвэр ложистикт гарсан хүндрэл хэвээр үргэлжилж байна. Ялангуяа машины чухал сэлбэгт орох хагас дамжуулагчийн түүхий эдэд үүссэн хомсдол үргэлжилсээр байгаа нь машин үйлдвэрлэгч компаниудыг үйлдвэрлэлийн хэмжээгээ бууруулах сонголтонд хүргэж байна. 

Энэ байдал цаашид үргэлжилвэл үйлдвэрлэгчид машины үнээ нэмэх шаардлага гарна гэж мэргэжилтнүүд үзэж байна.

 Дэлхий дахинд хамгийн өндөр эрэлттэй, захиалгаар нийлүүлэгдэж байгаа машинуудад Toyota Land Cruiser 300, Nissan Y62, Suzuki Jimny зэрэг машинууд орж байна.

 Энэ дундаа дундаж орлоготой хэрэглэгчдийн дунд эрэлт ихтэй байгаа 4-р үеийн Сузуки ЖИМНИ автомашин нь 2018 оны 9-р сард нээлтээ хийсэн үеэс хойш эрэлтийн тэсрэлтийг үүсгэн захиалгаар нийлүүлэгддэг цөөхөн автомашины нэг болсон билээ. Манай улсад ч гэсэн энэ байдал хэвээр байна.

 Тавин жилийн түүхтэй Сузуки Жимни автомашин нь үнийн хувьд том оврын, тансаг жийп автомашинаас 4-5 дахин хямд, ашиглалтын зардлын хувьд 3-4 дахин бага, цас, шавар, ус, хад чулуу зэрэг бартаат замыг туулах чадвар маш сайн, шатахуун зарцуулалт бага, бат бөхийн тухайд бол өрсөлдөх чадвар хамгийн өндөр машин ба 4-р үеийн шинэ загвар нь илүү загварлаг,илүү хүчтэй, илүү тохилог, дэвшилтэт технологийг илүү нэвтрүүлсэн ХОТ ХӨДӨӨГИЙН ХОСОЛМОЛ ХЭРЭГЛЭЭНД ТЭРГҮҮЛЭГЧ автомашин учраас залуучууд болон эмэгтэй хэрэглэгчдийн худалдан авалт эрс нэмэгдсэн нь үйлдвэрлэгчийн төсөөллийг давсан өндөр эрэлтийг үүсгээд байгаа юм байна.

 Эх сурвалжийн мэдээлснээр 2022 оны 8-р сарын байдлаар Сузуки ЖИМНИ автомашины хүлээлгийн хугацаа дараах байдалтай байна:

Япон улсад: 10-12 сар

Тайван улсад :12-18 сар

Европын улсууд : 12 сар

Монгол улсад : 3-5 сар