Төсвийг мөшгөе: Авилгын мөнгөө аав нь АМГТГ-т, ээж нь Нийслэлийн татварын албанд ажилладаг 19 настай Энгүүний Голомт банкны дансаар дамжуулан авсан баримттай танилц

Яаралтай гэх нэрийдлээр шууд худалдан авалт гэх малгайн доор тендер зарлалгүй хил дамнуулан хийсэн  авилгын сүлжээг илчилнэ. Татвар төлөгчдийн хоёр тэрбум гаруй төгрөг авилга болж зүсээ хувиргаж  дарга нарын хүүхдийн дансаар орж ирж, үнэтэй орон сууц болсон уу? Мялзлан өвчний вакцины төсвийг энэ удаад мөшгөнө.

 Шилэн дансны мэдээллийг гүйлгэвэл 2018 оны 9-р сард 651 000 ам доллар, 2019 оны долоодугаар сард 279 000 ам доллар, 2019 оны 12 р сард 279 000  ам доллар, 2020 оны 4-р сарын 13 нд 776 457 000 төгрөгийг мялзан өвчний вакцин авахаар сангийн яамнаас  Бүгд найрамдах Энэтхэг улсын Хестэр бионсес лимитэд компанилуу шилжүүлсэн байна. 3 жилийн хугацаанд нийтдээ нэг сая 700 орчим доллар шилжүүлсэн. Гэтэл энэ мөнгөний тал нь шахуу буюу 800 000 ам доллар төгрөгт шилжүүлвэл 2 тэрбум гаруй төгрөг нь аав ээж нь төрийн алба хашдаг 19 настай Энгүүн гэгчийн дансаар ороод ирсэн нь анхаарал татна.

Монгол улсад шууд худалдан авалтаар мялзангийн вакциныг 3 жил тасралтгүй нийлүүлсэн Энэтхэгийн Хестер бионсес лититэд компаниас  Хатанбаатарын Энгүүний Голомт банкин дахь дугаар тоот дансруу 2019 оны наймдугаар сараас 2020 оны наймдугаар сар хүртэл нийтдээ 9 гүйлгээгээр 430 000 ам.доллар орж ирсэн. Үүнийг төгрөгт шилжүүлвэл 1,2 тэрбум. Мөн П.Амарын Голомт банкны дугаар тоот дансаар 2018 оны аравдугаар сараас эхлээд 340 000 ам доллар орж иржээ. Үүнийг төгрөгт шилжүүлвэл Нэг тэрбум орчим төгрөг болно. 

Видеогоор үзэх: