НДЕГ-ын дарга Д.Зоригт: Би мөрийтэй тоглоом тоглох нь байтугай дүрмийг нь ч мэдэхгүй

НДЕГ-ын дарга Д.Зоригтийг албан өрөөндөө мөрийтэй тоглож байгаад баригдсан. Улмаар өнөөдөр үүрэгт ажлаасаа чөлөөлөгдсөн гэх мэдээлэл цацагдаад байгаа юм. Тэгвэл уг асуудалд НДЕГ-ын дарга Д.Зоригт сэтгүүлчдэд тайлбар  мэдээлэл өглөө.

НДЕГ-ын дарга Д.Зоригт "Би энэ 7 хоногт ажлын байрандаа очоогүй. Европын холбооноос зохион байгуулж буй 3 өдрийн семинарт оролцоод, сая тэндээсээ сайдад дуудагдаад ирж байна. Яагаад ийм гомдол өгснийг мэдэхгүй байна. Ер нь ажлын байрандаа архи уух, мөрийтэй тоглох хориотой гэдгийг та бүхэн мэдэж байгаа шүү дээ. Би ажлын байрандаа мөрийтэй тоглоогүй. Тэр талын мэдлэг ч байхгүй. Ер нь мөрийтэй тоглоомын дүрэм журмыг ч мэдэхгүй. Ямар учиртай ийм мэдээлэл гарсныг мэдэхгүй байна.  Би одоо ажил руугаа явж байна. Би сая л энэ тухай мэдээллийг сонслоо" гэв.