НДЕГ-ын даргыг албан өрөөндөө мөрийтэй тоглосон гэх үндэслэлээр үүрэгт ажлаас нь чөлөөлөв

Засгийн газрын өнөөдрийн хуралдаанаар албан өрөөндөө мөрийтэй тоглодог гэх Нийгмийн даатгалын ерөнхий газрын дарга Д.Зоригтыг үүрэгт ажлаас нь чөлөөлөх шийдвэрийг гаргажээ. Учир нь түүнийг албан өрөөндөө мөрийтэй тоглодог гэх мэдээллийг иргэдээс өгсөн аж. Энэ дагуу албаны шалгалт хийснээр уг шийдвэрийг гаргажээ. 

Бид энэ асуудлаар өөрөөс нь зарим зүйлийг тодруулахад "  НДЕГ-ын дарга Д.Зоригт "Би энэ 7 хоногт ажлын байрандаа очоогүй. Европын холбооноос зохион байгуулж буй 3 өдрийн семинарт оролцоод, сая тэндээсээ сайдад дуудагдаад ирж байна. Яагаад ийм гомдол өгснийг мэдэхгүй байна. Ер нь ажлын байрандаа архи уух, мөрийтэй тоглох хориотой гэдгийг та бүхэн мэдэж байгаа шүү дээ. Би ажлын байрандаа мөрийтэй тоглоогүй. Тэр талын мэдлэг ч байхгүй. Ер нь мөрийтэй тоглоомын дүрэм журмыг ч мэдэхгүй. Ямар учиртай ийм мэдээлэл гарсныг мэдэхгүй байна.  Би одоо ажил руугаа явж байна. Би сая л энэ тухай мэдээллийг сонслоо" гэх мэдээллийг өгч байна.