Хэнтий аймгийн сургуулиуд спорт заалаа үнэ төлбөргүй болгоно

Хэнтий аймаг 2022 оныг Хүүхэд хөгжил хамгааллын жил болгон зарлаж аймгийн Засаг дарга хүүхдүүдийн санаа бодлыг сонсох зорилгоор захидлын аяныг зарлаж байсан юм. 

Тус аянд 200 гаруй хүүхдүүдэд нэгдэж аймгийн Засаг даргад санал хүсэлтээ хүргүүлсэн бөгөөд үүнд сургуулиуд спорт заалаа төлбөртэй ашиглуулдаг гэсэн гомдлууд нилээд хувийг эзэлж байлаа. Тиймээс аймгийн Засаг дарга өнөөдөр боловсролын байгууллагын удирдлагуудтай хийсэн уулзалтын үеэр ЕБС-иуд спорт заалаа үнэ төлбөргүй ашиглуулж, хүүхдүүдийг чөлөөт цагаа зөв боловсон өнгөрөөх боломжоор хангах чиглэл өглөө.