Тарвас хүний эрүүл мэндэд ямар ач тустай вэ

Зуны сүүлээр зөөлөн, сайхан амттай тарвас идэхгүй байхын аргагүй. Гэтэл энэ маань эрүүл мэндэд хэрхэн ач тустай талаарх зөвлөгөөг хүргэж байна. 

Тарваст байх хамгийн үнэт зүйл бол фолийн хүчил бөгөөд энэ нь цусны эргэлтэнд ихээхэн нөлөөтэй, хүний биеийн химийн бодисын тэнцвэрийг хадгалахад чухал үүрэг гүйцэтгэнэ.

Тарвасын бас нэг чухал ашигтай тал нь ликопин хэмээх каротиноид пигмент буюу уг жимсийг улаан өнгөтэй болгодог бодис ихээр агуулдаг явдал юм. Энэхүү ликодин нь хүчтэй антиоксидант бөгөөд хорт хавдрын эд эс бий болохоос урьдчилан сэргийлдэг аж. 

Мөн С витамин ихээр агуулах ба энэ нь судсанд янз бүрийн бөөгнөрөл бий болохоос сэргийлж, судасны ханыг уян хатан болгох замаар зүрхэнд сайн юм. Эдгээр бүх шинж чанар нь хүний биеийн зүрх судасны үйл ажиллагааг сайжруулж, эрчимжүүлнэ.

Тархийг тэжээлээр нөхнө. Тарвасанд ихээр агуулагддаг B амин дэмүүд нь хүнд эрч хүч бэлэглэж, тархийг сэргэг байлгах, төвлөрөл болон санах ойг сайжруулахад тусалдаг.

Жирэмсний эрт үеийн хордлогыг багасгана.

Бие махбодийн эсийн гаднах, доторх шингэний харьцааг тогтвортой байлгаж, биеийн хүчил шүлтийн тэнцвэрийг барьж, хүн эрүүл амьдрах үндэс бүрдэнэ. Тарвасыг хүнсэндээ хэрэглэснээр цусны РН тэнцвэрждэг гэсэн үг.

Ходоодны хүчил ялгаралтыг бууруулж цээж гашуу оргилтыг багасгана.

Бөөр ходоодыг цэвэрлэж үрэвсэлээс хамгаалдаг. Ялангуяа шар өвчнөөр өвчилсөн хүмүүс идэхэд хамгийн тохиромжтой.

Бөөрний чулуу, шээсний хүчлийн нөлөөгөөр үүсэх талстуудаас сэргийлэх үйлчилгээтэй

 Өдөрт 2—2,5 кг шийгуа идэж болно гэж хоол зүйчид үздэг. Ингэж идэхэд шээс хөөх үйлчилгээтэй учраас бөөр, зүрх судасны өвчний үед хавангаас ангижрахад тустай.

 Их тарган хүмүүст тураах зорилгоор хэрэглэдэг.

                                                          Ямар хүмүүс тарвас идэж болохгүй вэ? 

Тарвас нь зарим нэг өвчний үед хориотой байдаг байна. Чихрийн шижин өвчтэй хүн идэж болохгүй бөгөөд учир нь тарваст сахар их хэмжээгээр бий.

Тарвас нь ходоод гэдэсний хямрал, цусны даралт нэмэгдүүлэх, гэдэс дүүргэх зэрэг шинж чанартай учир ходоод гэдэсний янз бүрийн өвчин, өндөр даралттай хүн ихээр идэхгүй байх нь зөв. Эмч нар ийм хүмүүст тарвасыг бага хэмжээгээр, бусад хүнснээс зайтай хугацаагаар идэхийг зөвлөдөг. Гурван нас хүрээгүй хүүхдэд тарвас өгөхгүй байх нь зөв бөгөөд энэ насанд хоол боловсруулах систем маш эмзэг, янз бүрийн хордлогод өртөх магадлал өндөр байна.