Антонио Гутерреш: Монгол улс цөмийн зэвсэггүй бүс гэдгээ зарласан нь маш зоригтой алхам

НҮБ-ын Ерөнхий нарийн бичгийн дарга Антонио Гутерреш: -Далайд гарцгүй орнууд худалдаа, экспорт гэх мэт олон сорилттой тулгардаг. Гадаад харилцааны сайд Б.Батцэцэгтэй хийсэн уулзалт үр дүнтэй боллоо. Өнгөрсөн онд Монгол Улс НҮБ-ын гишүүнээр элссэний 60 жилийн ойг тэмдэглэсэн. Энхийг сахиулах ажиллагаанд хувь нэмэр оруулсан, зоригт монгол цэргүүдэд талархлаа илэрхийлж байна. Цаашид эмэгтэй энхийг сахиулагчийн тоогоо өсгөх болсонд баяртай байна. Энэ шийдвэр олон улсад үлгэр жишээ болно гэдэгт итгэлтэй байна. Монгол Улс жендерийн тэгш байдлыг хангахад манлайлдаг.   Цөмийн дайн гарч болзошгүй гэж хүмүүс бодох боллоо. Энэ цаг үед Монгол цөмийн зэвсэггүй бүс гэдгээ зарласан нь маш зоригтой алхам. Нийт нутгийн дийлэнх нь цөлжилтөд өртсөн тул Ерөнхийлөгч санаачилга гаргасныг би өндрөөр үнэлж, өнөөдөр мод тарих болсондоо бахархалтай байна. Хэдий Монгол Улс далайд гарцгүй орон боловч гадаад бодлого нь маш идэвхтэй орон. Манай эх оронд ардчилсан шилжилт болох үед би тэр хувьсгалд идэвхтэй оролцогчдын нэг байв.