​НАЙМАН НАСТАЙ ХҮҮХДИЙГ ЧОНОТОЙ АНДУУРАН БУУДЖЭЭ

Найман настай хүүхдийг буудаж, гэмтэл учруулсан хэрэг Баянзүрх дүүрэгт гарчээ. Тодруулбал, Баянзүрх дүүргийн 20-р хороо "Бурхант хошуу гэх газар энэ сарын 20-ны 23:00 цагийн үед манай хүү үхрээ цуглуулах гээд явж байтал хажуу айлын 70 настай өвгөн буудсан байна" гэх мэдээллийг авч шалгажээ. Баянзүрх дүүргийн наймдугаар хороонд оршин суух эрэгтэй найман настай Т-г үхрээ туугаад явж байх үед Төв аймаг, Зуунмод хот, Баянхошууны гуравдугаар багт оршин суух, эрэгтэй, 63 настай Д гэгч нь "Тоз-8" маркийн буугаар чоно явж байна гэж андууран хүүгийн зүүн хөлийн шилбэний эрээн булчинд буудаж гэмтээсэн байна. Хэргийг тус дүүргийн цагдаагийн гуравдугаар хэлтэст шалгаж байгаа аж.