ГЭМТ ХЭРГИЙН ТОО 17.5 ХУВИАР БУУРЧЭЭ

Нийслэлийн хэмжээнд өдөрт дунджаар 1500-2400 гэмт хэрэг, зөрчлийн дуудлага, мэдээллийг хүлээн авч ачаалалтай ажилладаг. Иймд Цагдаагийн байгууллагууд аюулгүй байдлыг хангаж, гэмт хэргийн тоог бууруулахын тулд "Эргүүл", "Телекамер", "Гэмт хэргийн хяналтын цогц систем", "Эрүүл цагдаа" зэрэг дөрвөн дэд хөтөлбөрийг хэрэгжүүлэн ажиллаж байгаа. Үүний үр дүнд Нийслэлийн хэмжээнд 2017 оны эхний хагас жилийн байдлаар гэхэд бүртгэгдсэн гэмт хэрэг, гомдол, мэдээлэл урд оны мөн үеийнхээс 27.5 хувиар буурчээ. Мөн Улаанбаатар хотын хэмжээнд нийт 1600 гаруй камер хяналтын үүрэг гүйцэтгэж байгаа бол гэмт хэргээс урьдчилан сэргийлэх, газар дээр нь гэмт үйлдлийг таслан зогсоох зорилгоор нохойтой 9, морьтой 10, дугуйтай 40, завьтай 2 эргүүлийн цагдаа тус тус ажиллаж байгаа аж.

С.Долгорсүрэн