ХУУРАМЧ ВИЗИЙН ЗӨВШӨӨРӨЛ АШИГЛАН ХИЛЭЭР НЭВТРЭХИЙГ ЗАВДЖЭЭ

Монгол Улсад хөрөнгө оруулах, бизнес, аялал жуулчлалын зорилгоор ирж буй түр ирэгч гадаадын иргэд хуурамч визийн зөвшөөрөл ашиглан Монгол Улсын хилээр нэвтрэхийг завдсан хэд хэдэн тохиолдол илэрчээ. Харин хуурамч визийн зөвшөөрөл Гадаадын иргэн, харьяатын газраас илрүүлсэн аж. Уг үйлдэл гаргасан этгээдийг Гадаадын иргэний эрх зүйн байдлын тухай хуульд зааснаар албадан гаргаж, Эрүүгийн болон Зөрчлийн тухай хуулийн дагуу хариуцлага тооцох нь. Иймд хил дээрээс виз хүсч буй гадаадын иргэд виз олгохыг зөвшөөрсөн баримт бичгийг зөвшөөрөл олгох эрх бүхий төрийн байгууллагаас авахыг зөвлөж байна.