ЦАГДААГИЙН БАЙГУУЛЛАГАД НИЙТ 1780 МЭДЭЭЛЭЛ, ДУУДЛАГА ИРЖЭЭ

Өнгөрсөн хоногийн байдлаар Улаанбаатар хотын хэмжээнд иргэд, байгууллагаас цагдаагийн байгууллагад хандаж, нийт 1780 мэдээлэл, дуудлага өгчээ. Эдгээрээс гэмт хэргийн 77, зөрчлийн 1430, согтуугаар хэрэг үйлдсэн 417, зам тээврийн ослын 273, мэдээллээс гэмт хэргийн шинжтэй 45-н үйлдэл бүртгэгдсэн аж.

Мөн Олон нийтийн амгалан тайван байдал алдагдуулах гэмт хэрэг багагүй илэрчээ. Түүнээс хулгайн болон бусдын биед хүнд хөнгөн гэмтэл учруулсан хэрэг ч цөөнгүй бүртгэгдсэн байна. Тодруулбал: "Хархорин худалдааны төв"-ийн орчимд сэжиг бүхий иргэнийг цагдаагийн алба хаагчид саатуулан шалгахад 20 настай Г гэгч залуу "Toyota Vitz" автомашины баруун хойд хаалганы салхины шилийг хагалж эд зүйл хулгайлсан байна.

Мөн "Үндэсний цэцэрлэгт хүрээлэн"-гийн түрээсийн газраас унадаг дугуйгаа хулгайд алдлаа" гэсэн мэдээллийг шалгахад түрээсээр унуулдаг "Green Bike" унадаг дугуйг Дорнод аймгийн харъят Ө /эр.44.н/ гэгч хулгайлсан байжээ.