Р.НЯМДОРЖ ГОВЬ-АЛТАЙН БӨХЧҮҮДЭЭР ХАМГААЛУУЛЖ БАЙНА

Монголын Үндэсний Бөхийн Холбооноос Шүүхийн гурван шатны хууль ёсны шийдвэрийг эсэргүүцсэн бөхчүүдийн асуудлаар мэдээлэл хийлээ. Монголын Үндэсний Бөхийн Холбооны тэргүүнээр 20 орчим жил ажилласан Р.Нямдоржийг огцруулах асуудал сүүлийн жилүүдэд бөхчүүд, бөх сонирхогчдын дунд өрнөсөөр шүүхийн шатанд шилжсэн билээ. Түүнчлэн гурван шатны шүүхээс Р.Нямдоржийн асуудлыг хэрэгсэхгүй болгож, шинэ тэргүүн сонгох шийд гарсан байдаг. Тиймд бөхийн холбооны цэцдийн зөвлөл өнгөрсөн тавдугаар сард хуралдаж, Гацуурт компанийн захирал Л.Чинбатыг томилсон ч одоог хүртэл ажлаа хүлээж аваагүй аж. Мөн бөхийн өргөөнд ямар хүн оруулахгүй хамгаалалтанд авсан байна. Харин шүүхэд хандахад "Шүүхийн шийдвэр гүйцэтгэх ажиллагаа Л.Чинбатыг шинэ тэргүүнээр сонгожээ. Ажлаа өөрсдөө хүлээж ав" гэсэн хариуг албан бичгээр ирүүлсэн байна. Тэгвэл Р.Нямдорж тамга тэмдгээ өгөхгүй, Бөхийн өргөө рүү оруулахгүй, Говь-Алтайн бөхчүүдээр хамгаалуулж байгаа аж. Тиймээс асуудлыг хүчээр шийдвэл бөхчүүдийн дунд зодоон, тэмцэл, талцал үүсэх юм.

Харин Бөх судлаач Д.Ганболд "Үндэснийхээ уламжлалыг мэдэхгүй хүн байх ёсгүй. Арга техникийн хувьд сайжруулах зүйл олон бий. Хоёр тал болоод байгаа асуудлыг гурван шатны шүүх давчихсан байтал ажлаа хүлээлгэж өгөхгүй байна. Монгол бөхийн 50 шинэчлэл ер шинэ зүйл биш. Угаас байсан зүйлсийг хөрвүүлчихсэн. Харин энэ бүхнийг шинэ бөхийн холбоо засаж чадна гэж судлаач хүний хувьд үзэж байгаа. Энэ асуудлыг шинэ Ерөнхийлөгч маань хүртэл анхааралдаа аваасай" хэмээн ярилаа.