ОБЕГ-Т ГАЗАР, УСНАА ЯВАГЧ “HAGGLUND BV-206” МАШИН ХАНДИВЛАЛАА

Монгол Улсын хүн ам, мал амьтан, эд хөрөнгө, хүрээлэн буй орчин, түүх соёлын үнэт зүйлсийг болзошгүй байгалийн, хүний, техникийн болон технологийн аюул, ослоос урьдчилан сэргийлэх, авран хамгаалах төрийн үйлчилгээг шуурхай хүргэх чиг үүрэгтэй Онцгой Байдлын Ерөнхий Газарт Петровис групп зайлшгүй шаардлагатай техник хэрэгсэл болох "HAGGLUND BV-206" газар, уснаа явагч маштн хандивлалаа. "HAGGLUND BV-206" машиныг Швед улсад үйлдвэрлэгдсэн, НАТО-гийн армийн зэвсэглэлд ашигладаг аж. Гал түймэр, зуд, үер гэх мэт байгалийн эрс тэс үзэгдэл ихтэй манай оронд машин техник хүрэх боломжгүй газарт аюул осол, гамшиг тохиолдсон үед ОБЕГ-ынхан цаг алдалгүй хүрэх боломжтой болсон юм.

"HAGGLUND BV-206" нь Монголд ердөө 3-хан ширхэг байгаагийн нэгийг гардуулж өгсөн юм.

Байгаль цаг уурын онцгой нөхцөл, сорилт тулгарсан нөхцөлд ОБЕГ-ын бие бүрэлдэхүүн гамшгийн голомттой улаан биеэрээ тулгарах үед техник, хангамж нөөцийг хүргэх болон гамшгийн бүсээс иргэдийг аврах, ачиж тээвэрлэх боломжийг эрс нэмэгдүүлж байгаагаараа "HAGGLUND BV-206" Онцгой Байдлын салбарынханд чухал хэрэгтэй техник хэрэгсэл билээ.