У.ХҮРЭЛСҮХ ГАЛААР НААДАЖ, ЕРӨНХИЙ САЙД БОЛОХ ЗҮҮДНИЙ ТАЙЛАЛ

Монгол ардын нам ерөнхийлөгчийн сонгуульд ялагдангуут Шадар сайд У.Хүрэлсүхийн зүүдэнд намын дарга, Ерөнхий сайдын сэнтий үе үе үзэгдэх болжээ.

Тэрээр намын дарга М.Энхболдынхоо эсрэгнаадмын комиссын хурлаас эхэлж ил гарч ажилласан. М.Энхболдыг хятадын эрлийз гэдэг Женкогийн зүгээс явуулсан хар пиар нийгэмд нөлөөлснийг тооцоолсон У.Хүрэлсүх, Х.Баттулга хоёр зөвхөн монгол цусны адуу наадмаар уралдана гэж олны цөсийгхөөргөлөө. Энэ ньмонгол ялна гэдэг сонгуулийн сурталчилгаатай яв цав нийцэв. У.Хүрэлсүх, Х.Баттулга нарын сонгуулийн пиарын золиосонд 1 000морь, 1 000 уяач, 1 000 хүүхэд наадмын тоостой дэнжид гурав хоног гуниглаад буцав. Наадам дууслаа. Монгол Улсын Ерөнхийлөгч Х.Баттулга, Монгол Улсын Шадар сайд У.Хүрэлсүх нарын дараагийн хорчин нүүдэл "гал".

Өнөөдрийн байдлаар улсын хэмжээнд 22 түймэр асч 351 албан хаагч гал унтраахаар өдөр шөнөгүй ажиллаж байна. Өчигдөр шөнө манай сурвалжлах баг Төв аймгийн Батсүмбэр сумын Тавантолгойн Баавгайтад асч буй түймрийг унтраахаар ажиллаж байгаа албан хаагчидтай уулзсан. Хоёроос гурван уулын ам, бэл энгэр дамжсан түймрийг Д.Баяраа ахлагчтай онцгой байдлын 13 албан хаагч нутгийн 10 гаруй иргэдтэй унтрааж байв. Энд ойролцоогоор 40-50 га талбай харлаад үлджээ. Тэд түймэр гарч байгаа газраас долоон км-ын цаанаас усаа зөөдөг дөрвөн тоннын багтаамжтай нэг л автомашинтай. Тэдний ганц найдвар болох ус зөөвөрлөдөг автомашин нь сүүлдээ өөр түймэрт дайчлагдаж гар хоосон үлджээ. Ус ирэхийг хүлээсээр байтал арай хийн унтраасан түймэр буцаад дэгддэг гэж гал унтраагчид аргаа барсан шинжтэй сөөнгө хоолойгоор бидэнд учирлалаа. Онцгой байдлынхан ингэж өдөр шөнөгүй битүү хар утаан дотор доор, дээрээсээ маш өндөр халалттай бүгчим орчиндулаан галтай тэмцэж байхад Онцгойгийн дарга нар төрийн ордонд сэрүүхэн өрөөнд бидэнд нэмэлт хүч хэрэггүй гээд гүрийгээд сууж байгаа нь цаанаа л хачирхалтай санагдав.

Улсын онцгой комиссын хурлын гишүүд болох Барилга хот байгуулалтын сайд Г.Мөнхбаяр, Зам тээврийн хөгжлийн сайд Б.Ганбат хүн хүчээ сэлбэх, нэмэлт техник хэрэглэх шаардлагатай гэсэн саналыг гаргаад байна. Хуульзүйн дотоод хэргийн сайд С.Бямбацогт хэдэн цэрэг, хичнээн техник хэрэгтэйгээ хэл бид гаргах боломжтой гэж хэлээд асуугаад байхад Онцгой байдлын ерөнхий газрын тэргүүн дэд дарга Бригадын генерал Г.Ариунбуян таг дуугуй, нэрэлхээд суугаад байгаа харагдав.

Монгол Улсын Шадар Сайд У.Хүрэлсүх онцгой комиссын хурлаа дөнгөж эхлүүлээд "Ерөнхийлөгч Х.Баттулга Батсүмбэр сумын түймэртэй танилцана гэж байна би явлаа" гээд хөл алдаж, гарч одов. Өчигдөр буюу 7-р сарын 15-нд Шадар сайд уг нь Батсүмбэр суманд ажилласан гэж хэвлэлийн алба нь мэдээлсэн байдаг.

АН-ынхан У.Хүрэлсүхийг баатар гэж хөөргөж, намаа шинэчил гэж ёоворч байгаа. У.Хүрэлсүх нь сөрөг хүчнээс шидсэн цаасан малгайг өмсөж газар шороогоо, эх орноо, онцгой байдлын хэдэн халтар аврагчаа үл хайрлан ийнхүү Женкотой нийлж гал унтраасан баатар болох гэж Засгийн газраас дэмжлэг авахгүй муйхарлаж байна.

Монгол Улсын Ерөнхийлөгч Х.Баттулгын сошиалын коментчид У.Хүрэлсүхийг байдаг чадлаараа дэмжиж байна.

У.Хүрэлсүх нь МАН-ын дарга болоод зогсохгүй Ерөнхий сайд болохоор ийнхүү МАН доторх зүүний хүчний холбоогоо дайчлахаар шийдэв үү?

У.Хүрэлсүхийг дэмжээд Засгийн газарт нь орж бялуу хүртэх сонирхолтой Ч.Хүрэлбаатар, Ц.Нямдорж, Ё.Баатарбилэг, М.Билэгт, Л.Энхболд, Ж.Энхбаяр, Л.Оюун-Эрдэнэ, Д.Гантулга, Л.Энх-Амгалан, Л.Элдэв-Очир нарын гишүүд хоёр гараа өргөөд зогсож буй.

Зудтай жилийн золбин нохой цатгалан, зовлонтой газрын лам баян гэдэг шиг дүрэлзэн асч байгаа түймрийг улс төрийн оноо авах гэж зүтгэж муйхарлаж яаж чадна вэ! Монгол Улсын Шадар Сайд У.Хүрэлсүх ээ!