НАМЗХ: ГАЛ ТҮЙМРИЙН ЭСРЭГ САЙН ҮЙЛСИЙН АЯН ЭХЛҮҮЛЛЭЭ

Хэт хуурайшилт, хүний буруутай үйл ажиллагаанаас шалтгаалсан гал түймрийн аюулд эх орон маань нэрвэгдэж өнөөдрийн байдлаар Төв, Сэлэнгэ аймгийн 11 газарт түймэр дэгдсээр байна. "Нийгмийн Ардчилал Монголын Залуучуудын Холбоо" Эх болсон газар нутаг, эх дэлхийгээ гал түймрийн аюулаас аврахын төлөө Залуучуудаа хамтдаа нэгдэхийг уриалж түймрийн голомтод ажиллаж байгаа онцгой байдлын албан хаагчид, ард иргэдэд туслах сайн үйлсийн хандвийн аяныг эхлүүллээ. Эх орноо гэсэн халуун сэтгэлтэй, залуучууд иргэд та бүхнийг "ГАЛ ТҮЙМРИЙН АЮУЛААС ГАЗАР НУТГАА АВАРЪЯ" аянд нэгдэж хандив өргөхийг уриалж байна. Таны өргөсөн хандив онцгой байдлын алба хаагчдад хэрэгцээт багаж, тоног төхөөрөмж худалдан авах, ард иргэд, байгаль орчныг авран хамгаалахад шаардагдах үйл ажиллагааг санхүүжүүлэхэд зарцуулагдах болно.