БАТСҮМБЭРТ ГАРСАН ТҮЙМРИЙГ ШУУРХАЙ УНТРААХААР НЭМЭЛТ ХҮЧ ЯВУУЛЖЭЭ

Улсын хэмжээнд 2017 оны 07 дугаар сарын 14-ний өдрийн байдлаар Сэлэнгэ аймгийн Ерөө, Мандал сумдад тус бүр 3 түймэр, Хүдэр суманд 2 түймэр, Төв аймгийн Батсүмбэр суманд 4 түймэр, нийтдээ 12 түймэр гарснаас гурван түймрийг цурманд оруулсан, 9 түймэр асч байна.

Түймрийг богино хугацаанд шуурхай ажиллаж унтраах зорилгоор ОБЕГ-ын тэргүүн дэд, дарга бригадын генерал Г.Ариунбуянгийн шийдвэрээр Төв аймгийн Батсүмбэр суманд гарсан түймэрт нийслэлийн Онцгой байдлын газрын Гал түймэр унтраах 63 дугаар ангийн 13 албан хаагч, мөн Сэлэнгэ аймгийн Мандал сумын Түнхэл сумын 5-р багт гарсан түймэрт ХУДОБХ-ийн 12, СХДОБХ-ийн 12 албан хаагчыг тус тус техник хэрэгсэл, багаж зэвсэглэмжтэй явууллаа.