“НҮҮДЭЛЧДИЙН СОЁЛЫН НААДАМ” ЗАВХАН АЙМГИЙН ЭРДЭНЭХАЙРХАН СУМД БОЛНО

Завхан аймгийн Эрдэнхайрхан сумын Улаагчны хар нуурын эрэг дээр долдугаар сарын 22-25-ны өдрүүдэд "Нүүдэлчдийн соёлын наадам"-ыг өвөрмөц шийдлээр зохион байгуулах ажээ. Харин наадмыг зохион байгуулагчид "нүүдэлчдийн соёл, таван хошуу малаараа бахархах аялал жуулчлалын наадам байх болно" хэмээн мэдээллээ.
Уг наадмын хүрээнд гадаад дотоодын жуулчдын сонирхлыг татах нүүдэлчдийнхээ соёл, өв уламжлалыг харуулсан төрөл бүрийн отгуудыг байгуулах юм. Түүнчилэн уран уургач, бугуйлч, эмнэг булгиачдын уралдаан, монгол ахуй монгол заншлыг бодитоор харуулж тавих нь. Харин Завхан аймаг нь онгон дагшин байгаль, өвөрмөц тогтоц бүхий үзэсгэлэнт газруудаа түшиглэн аялал жуулчлалыг хөгжүүлэх бүрэн боломжтой аймгийн тоонд зүй ёсоор багтдаг. Тиймээс ирэх дөрвөн жилд аялал жуулчлалын салбарыг хөгжүүлэх тал дээр анхаарал тавин ажиллаж байгаа аж.