Б.Дамдинсүрэн: Харзны усанд өвлийн дунд сард орвол зохистой

Харзны усанд орох нь уламжлалт анагаах ухааны эмчилгээний нэг. Харзны усанд орсноор хүний энерги сэргэдэг. Залуучууд харзны усанд орохыг ач холбогдлыг “би чадна” хэмээн биелүүлэх нь түгээмэл болжээ. Харзны усанд бусадтай мөрийцөж орох, цахим орчинд хандалт авах зорилгоор орох нь буруу. Биеийнхээ өвчлөлийг мэддэг, эмчийн заавраар орвол эрүүл мэндэд эерэг нөлөөтэй. Цусан хангамжийн үйл ажиллагаа сайжирна, дархлалын системд эерэг нөлөөтэй, өвчлөл үүсэхээс урьдчилан сэргийлэх давуу талтай юм.

Өндөр настан, нялхас харзны усанд орж болохгүй

Харзны усанд орохын ач холбогдлыг Альтернатив эмнэлгийн захирал, УАУ-ны их эмч Б.Дамдинсүрэн“Харзны усанд орохын урд өдөр шарсан хуурсан хоол идсэн, согтууруулах ундаа хэрэглэсэн бол орж болохгүй. Мөн зүрх судасны өвчтэй, сахартай, хэт таргалалттай, даралт ихэсдэг хүмүүс харзны усанд орвол эрсдэл үүснэ, эмнэлэгт хүргэгдэж ирсэн тохиолдол цөөнгүй байдаг. Даралт ихэсдэг хүмүүс яагаад орж болохгүй гэдэг нь цусан хангамжийн үйл ажиллагаа сайжрахаар харвалт өгөх магадлалтай. Тиймээс эмчийн заавар, зөвлөгөөг дагавал зохистой. Харцны усанд орсны дараа биеийн температур дулааныг алдахгүй байх ёстой учраас биеэ хуурай алчуураар арчина. Зузаан зүйл нөмрөх, хувцсаа өмсөж түргэн хугацаанд дулаанаа хадгалах хэрэгтэй.  Өндөр настан, нялхас харзны усанд орж болохгүй. Уламжлалт анагаах ухаанд намрын сэрүү орсон үед хүүхдийг голын усанд оруулж болно гэж үздэг” хэмээн зөвлөлөө.

Хүмүүсийн гаргадаг нэг алдаа нь харзны усаа ялгадаггүй. Харцны усанд өвлийн дунд сар ес эхлээр орно. Хүйтний эрч чангарсан ч хөлдөөгүй байгаа усыг харц гэж ойлгох нь.