ИХ БАГТААЖТАЙ АВТОБУС “ХҮЙ 7 ХУДАГ” РУУ 1000 ТӨГРӨГИЙН ТАРИФААР ИРГЭДЭД ҮЙЛЧИЛНЭ

Баярын өдрүүдэд автозамын хөдөлгөөний ачаалал эрс нэмэгддэг. Тиймээс иргэд аль болох хувийн тээврийн хэрэгслээс татгалзаж нийтийн тээврийн хэрэгсэл, такси үйлчилгээг сонгох боломжийг бүрдүүлсэн байна. "Төв цэнгэлдэх хүрээлэн" орчмын буюу Хурд хорооллын урд зогсоол, ХАҮТанхимын арын зогсоол, KH apartment-ын түр зогсоолоос такси үйлчилгээг 12 аж ахуйн нэгжийн 400 такси иргэдэд хүргэх аж.

Тэгвэл баярын өдрүүдэд нийтийн тээврийн үйлчилгээнд 82 чиглэлд их багтаамжийн 654, зуслангийн 3 чиглэлд их багтаамжийн 5, нийт 654 автобус ажиллана.

Мөн баяр наадмын өдрүүдэд 7-р сарын 10, 11, 12, 13-ны өдрүүдэд "Амгалан"-гаас "Давааны зөрлөг" хүртэл Рейлбус 500 төгрөгийн тарифаар иргэдэд үйлчилэх юм. Харин 7-р сарын 11, 12-ны өдрүүдэд Гандийн гудамжны автобусны зогсоолоос, 7 сарын 13-ны өдөр хотын төв буюу "МУБИС"-ийн баруун тал буюу "Улаанбаатар зочид буудал"-ын автобусны зогсоолоос 08:00 цагаас 20 их багтаамжийн автобус, 20 минут тутамд "Хүй 7 худаг" руу 1000 төгрөгийн тарифаар иргэдэд үйлчилнэ. Мөн "3, 4-р хороолол", "7 буудал", "5 шар", "ХМК", "Офицерүүдийн ордон"-ны зогсоолуудаас тус бүр 4 бага багтаамжийн автобус үйлчилгээнд явна.

Ю.Нямгэрэл