Н.ТҮВШИНБАЯР СОГТУУГААР ХОЁР ХҮНИЙГ ЗОДОЖ БАЙНА ГЭСЭН ДУУДЛАГА ИРСЭН

6-р сарын 24-25 шилжих шөнө Булган аймгийн төвд олимпийн аварга Н.Түвшинбаяр архидан согтуурч, намынхныгаа зодсон хэргийг цагдаагийн байгууллага шалгаж буй тухай мэдээлэл нэлээд явсан. Энэхүү асуудлыг Н.Түвшинбаяр улстөржүүлж байна хэмээн няцааж байв. Мөн нэр дэвшигч Х.Баттулга ч Н.Түвшинбаяр хүн зодохгүй хэмээн үгүйсгэж байсан. Тэгвэл өчигдөр ЦЕГ-аас мэдээлэл хийж байхад Н.Түвшинбаяр хүн зодсон асуудлаар тодруулахад дараах хариултыг өгсөн юм. “Найдан овогтой Түвшинбаяр согтуугаар хоёр хүнийг зодож байна гэсэн дуудлага ирсэн. Одоогоор энэ хэргийг шалгаж байна. Сонгуультай холбоотой ирсэн гомдол мэдээллийг шалгах ажлын хүрээнд ямар нэгэн байдлаар иргэдийг хориогүй. Захиргааны хэргийг шийдвэрлэх үүднээс саатуулсан тохиолдол байгаа” хэмээв.