БУРУУ ОЙЛГОЛТ ӨГЧ БАЙГААД ХАРАМСАЖ БАЙНА

Ардчилсан намаас өчигдөр нийслэлийн 360 гаруй мянган сонгогчийн овог, нэр, хvйс адилхан байгаа тухай мэдээлэл хийсэн. Үүнтэй холбогдуулан өнөөдөр Оюуны өмч, улсын бvртгэлийн ерөнхий газар /ОӨУБЕГ/-ын дарга Р.Содхүү сонгогчдын нэрсийн жагсаалттай холбоотой асуудлаар тайлбар, мэдээлэл хийж, дээрх асуудлыг үгүйсгэлээ. Нийслэлийн хэмжээнд 2-72 хүртэл давтагддаг 106 842 нэр байдаг аж. Тухайлбал, Ганбаатарын Ганчимэг 66 Ганболдын Уянга 61 гэсэн давтагдсан нэр байгаа юм. "Энэ хүмүүс нэр нь давтагдсан хэрнээ регистрийн дугаарууд нь өөр байдаг. Ингэж ард түмнээ басаж, нэг хүний нэр дээр олон хүн өгөх юм шиг буруу ойлголт өгч байгаад харамсаж байна' хэмээн ОӨУБЕГ-ын дарга Р.Содхүү мэдэгдэв.