МИНИЙ МОНГОЛ НААДАМ УРАЛДААНТ ШАЛГАРУУЛАЛТАНД УРЬЖЭЭ

ЮНЕСКО-ийн Соёлын биет бус өвийн хүн төрөлхтний төлөөллийн жагсаалтад бүртгүүлсэн Монгол наадмыг сурталчлах, хилийн чанадад ажиллаж, амьдарч буй монгол иргэдийг дэмжих, тэдэнтэй хамтран ажиллах зорилгоор наадмыг амжилттай сайн зохион байгуулсан байгууллага, иргэдийг урамшуулан алдаршуулах нь уралдааны зорилго юм.
Үндэсний их наадмыг зохион байгуулах комисс "МИНИЙ МОНГОЛ НААДАМ" уралдааны ялагчдыг шалгаруулна.
Уг уралдаанд хилийн чанадад буй иргэдийн холбоо, нийгэмлэг, иргэд оролцох боломжтой бөгөөд оролцогч бүр 2017 оны 6 дугаар сарын 30-ны дотор [email protected] болон www.facebook.com/ Mongolian-Naadam-festival 2017 хаягаар бүртгүүлсэн байна.
"МИНИЙ МОНГОЛ НААДАМ" уралдааны ялагчийг шалгаруулж байр эзлүүлэхдээ дараах шалгуурыг баримтална.
1. Нийт оролцогчдын тоо 1-5 оноо
2. Тухайн орны хэвлэл, мэдээллийн хэрэгсэлд нийтлэгдсэн, нэвтрүүлэгдсэн тоо 1-5 оноо
3. Жиргээ (Твитер)-нд авсан Re-tweet тоо 1-5 оноо
4. Нүүр номны (Фэйсбүүк) Like-ын тоо 1-5 оноо
5. Эрийн гурван наадмыг хамруулсан байдал 1-5 оноо
6. Монгол үндэсний өв, соёлыг сурталчилсан арга хэмжээ 1-5 оноо
"МИНИЙ МОНГОЛ НААДАМ" зохион байгуулсан тайланг 2017 оны 07 дугаар сарын 20-ны дотор Монгол Улсын Гадаад харилцааны яамны [email protected] болон www.facebook.com/ Mongolian-Naadam-festival 2017 хаягаар цахим хэлбэрээр оруулах бөгөөд тайланд дараахь зүйлийг багтаасан байна.
Нийт оролцогчдын тоо болон Монгол үндэсний өв, соёлыг сурталчилсан арга хэмжээ мөн мэдээлэл, баримт, видео, фото, Зохион байгуулсан наадмын албан ёсны хөтөлбөр, зохион байгуулах хорооны бүрэлдэхүүн, холбоо барих хаяг, Санхүүгийн тайлан, зэргийг багтаасан байх болно.
Нэмж хэлэхэд тус наадмыг тухайн улс, хотод зохион байгуулах зардал, тайлан ирүүлэх зардлыг тухайн наадмыг зохион байгуулан уралдаанд оролцогчид өөрсдөө хариуцна.
Шагнал урамшуулалын хувьд "МИНИЙ МОНГОЛ НААДАМ"-ыг амжилттай зохион байгуулсан эхний 3 оролцогчийг шалгаруулан Үндэсний их наадмыг зохион байгуулах комиссоос шагнал гардуулах юм.

МОНГОЛ УЛСЫН ГАДААД ХАРИЛЦААНЫ ЯАМ