МУБИС НЬ ОЮУТНЫ ДИПЛОМЫГ УРД ХӨРШИД ҮЙЛДВЭРЛЭСЭН ГЭВ ҮҮ

МУБИС төгсөгчдийнхөө дипломыг БНХАУ-д хэвлүүлснээс болж нэлээд асуудал үүсээд байгаа тухай 24news.mn вэб сайт мэдээлсэн байдаг. Уг мэдээлэлд "МУБИС-ийн захирал Д.Мөнхжаргал төгсөгчдийнхөө дипломыг БНХАУ-д хэвлүүлэн түүнийгээ тээвэрлэх явцдаа норгож 2000 диплом хэнд хэрэггүй болжээ. Диплом норсоноос гадна алдаатай хэвлэсэн, дүрэм журам зөрчиж Хятадад хэвлэсэн зэрэг асуудлын хариуцлагыг Д.Мөнхжаргал захиралд хүлээлгэх ёстой" гэж дурьдсан байгаа юм.Тиймээс бид энэ асуудлаар тус сургуулийн захирал Д.Мөнхжаргалаас тодруулсан юм.

Их, дээд сургуулийн төгсөгчдийн дипломыг үнэт цаасны газарт хэвлүүлэх учиртай. Гэхдээ сүүлийн жилүүдэдхуурамч дипломын асуудал их яригдах болсон. Мөн диплом гаргаж өгнө, дипломны үнэт цаас зарна гэх зарууд ч мэр сэр явдаг байсан ч сүүлийн үед нууц байдалд орсон уу, эсвэл таслан зогсоогдсон уу сонсогдохоо больсон.

Тэгвэл өнгөрсөн хоногуудад Монголын томоохон сургуулиудын нэг МУБИС урд хөршид диплом хэвлүүлж, тэр нь норж, асуудал үүсээд байгаа тухай мэдээлэл чих дэлсэн болсон юм.